Skip to main content

Kandidatit Ilisimatusarfimmi rektorinngorsinnaalerput

Avaqqunneqarsinnaajunnaarpoq. Ukiortaamiit rektoritut, tullersortitut institutimiluunniit pisortatut atorfinittussat ilisimatuutut misissuinermik misilittagaqartariaarupput.

Ilisimatusarfik pillugu inatsit, aqutsinermut inatsimmik taaneqartartoq, Inatsisartut ullumi akuersissutigaat.

Kingusinnerpaamik marsip aallaqqaataani Ilisimatusarfiup siulersuisuisussaanik toqqaasoqassaaq, ullumikkut autsisuusut Universitetsrådit taartissaannik. Siulersuisut atulerunik Ilisimatusarfiup pisortaa Ole Marquardt tullersortaalu Birgit Kleist Pedersen qaquguluunniit tunuarpata inatsit napertorlugu pisortassanik nutaanik atorfinitsitsisinnaatitaapput ilisimatuutut misissuinermik misilittagqanngitsunik.

Ilisimatusarfimmi ilinniartunit ilinniartitsisunillu akerliulluni iliuuseqarnerit oqaaseqaatillu, nunani avannarlerni avannarlernilu killerni universitetini atorfilinnit nuimasunit taperserneqartut, tunngavilersuutigaat misissuinermik misilittagaqartunik pisortaqarneq universitetip nunani tamalaani ilinniarfittut pitsaasutut nalilerneqarnissaanut qulakkeerinnnittuusoq kisalu oqaatigineqarluni pisortat misissuinermik misilittagaqanngitsut ilinniartunik misissuisartunngortussanik ilinniartitsinerminni sanngiiffeqassasut.

Inatsisartuni ilaasortat naalakkersuisooqatigiinniit Siumut-Atassummeersut illuatungiliuttunik Inuit Ataqatigiinneersunik ilallutik »piumasaqaatit minnerpaaffiinik"« taasatik aalajangiusimavaat. Demokraatit Kattusseqatigiillu akerliupput.

- Naalakkersuisut pingaartippaat Ilisimatusarfimmi pisortat ilisimatuutut misissuinermik misilittagaqartuarnissaat. Nunanut tamalaanut nallersuussinnaaneq universitetillu pitsaassusaa qaffasittuassaaq ilisimatuutullu misissuinermik tunngaveqarluni, tamannalu siulersuisunngortussat qulakkiigassaraat, allanit akuliuffigineqaratik, naalakkersuisut siulitaasuat hans EnoksenInatsisartut oqaluttarfianniit oqarpoq.

Siulersuisut nutaat aqqanilinnik (11) ilaasortaqartussapput, Ilisimatusarfimmi pisortat inassutaat 12-t akornanni arfinillit naalakkersuisunit toqqagaasussallutik.

Arfinillit taakku toqqarneqassapput "ilinniarsimassutsikkut inuttullu piginnaanerit tunngavigalugit, kiisalu suliffeqarfinni ilinniarfinnilu, ajornanngippat nunani tamalaani, ilisimatuutut misissuinermik suliaqarnermik ineriartortitsinermillu misilittakkat tunngavigalugit", aqutsinermut inatsimmi nutaamik allassimavoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER