Skip to main content

KNAPK: Avissaartortinniarsarinata

Aalisarnermik inuussutissarsiuteqartut avissaartuutsinniarnerarlugit siulittaasup Peter Olsenip naalakkersuisut isornartorsiorpai aalisartut piniartullu ulluanni oqalugiarami.

KNAPK-p siulittaasuata isornartorsiuinermini pivaa inatsisartut ukiaanerani ataatsimiinneranni qaangiuteqqammersumi aalisarnermut inatsisissap suliarineqarnera.

- Aalisartut piniartullu peqatigiissut avissaartuutsinniarsarineqarput naalakkersuisoq Finn Karlsen oqaluttarfimmiit oqarmat KNAPK ilaasortaalu aalisarnermut inatsit pillugu akerleriittut. Aamma KNAPK-p GA-llu (Royal Greenlandip taamani ilaasortaaffigisaa, aaqq.) akerleriilernissaannik neriuuteqarpalaarnera tupinnartuuvoq akuersaarneqarsinnaanngitsoq, Peter Olsen oqarpoq.

KNAPK-p siulittaasua aammam kaammattuivoq aalisartut piniartullu piniakkanik eqqissisimatitsinermut killilersuinermullu tunngasutigut tusaaniarneroqqullugit.

- Aasliartut piniartullu piniakkat pillugit ilisimasanik ulikkaarput, soorlu piniakkat nuttartarnerannut tunngasunik. Tamakku kisitsinernut tapertaasinnaalluaraluarput, Peter Olsen oqarpoq.

Aalisartut piniartullu ulluat nunarput tamakkerlugu nalliussineqarpoq, Nuummi naalagiaqatigiinnermik, palasi Jonathan Motzfeldt oqaluussisoralugu, imaatigut ajunaarsimasut eqqaassutissaannik naasortaliinermik, kaffillernemik kiisalu ingerlaaqatigiiinnermik ooqalugiarnernillu.

Katerisimaarnissaq arfininngornermut kinguartinneqarpoq katersortarfimmi pissalluni.

Ullorsiornermit assit takukkit uani .

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER