Juullimut tunissutissat sioqqutsilluarlutit nassiutikkit
Post Greenlandip maanna jullimut allakkanik nassiussinissamut piffissaliussat saqqummiuppai.
Annonse
Ukiarpoq, aamma piffissaq ingerlalertortoq nalunngilarput, aammalu juulimut ulappunnissaq sukaasuumik qanilliartortoq. Piffissaq qaniginerpaasanut aamma juullimut allakkanik poortukkanillu nassiussuiffik. Nassitsisumut minnerunngitsumillu tigusisussamullu pingaaruteqarpoq, allakkat poortukkalluunniit juullertinnagu apuuffissaminnut apuutereersimanissaat.
Taamaattumik POST Greenlandip Kalaallit Nunaanniit Danmarkimut umiarsuakkut timmisartukkullu allakkanik poortukkanillu nassiussuiffissat kingulliit ilisimatitsissutigai, taakkulu www.post.gl-imi takuneqarsinnaapput.
Kalaallit Nunaata iluani juullimut nassiussassanut piffissaliussat najukkani TELE-POST-ip ingerlatsiviini sullitanut allakkanullu isumaginninnfinni nivinngaatiterneqarsimapput.