Skip to main content

Taratsut Kujataata imaaneersut

Arnat marluk Qaqortumi suliffissanik aallarnisaasut suliffeqarfimmik nutaamik aallartitsipput taaguutilimmik Taratsit. Taratsut kujataata imaanersut kussuganngorlugit tunisassiarineqartassallutik.

- Kalaallit immamit taratsunik qanganiilli pilersorput. Taratsut akuutissanik, kemiskimik akusat, nunanit allaneersut nunatsinnut maannakkut eqqussorneqartarput, uffa tarajoq akuitsoq nunatta imartaani sarfarsiataannginnartoq, tamannalu allanngortikkusupparput, aallarnisaasup aappaa Anne Merrild Hansen www.inussuk.gl/.-mut oqarpoq.

Aallarnisaasut isumaqarput Kalaallit Nunaata kujataa taratsumik tunisassiorfeqalersitsissallugu pitsaasuusoq. Nunatta kujataata sineriaata ilaa sarfamit Golfstrømmenimit tarajoqaqisumik aqqusaarneqartarpoq. Taratsut tunisassiarineqarneri Kangia Qiterlermi qangarsuaq suliarineqartarneritut, qalaartinneqartassallutik, assassorluni suliarineqartassapput.

Allarnisaasut tunisassiatik Kalaallit Nunaanni niuertarfinni immikkut tuniniagalinnut neriniartarfinnullu misiligummik aallaqqaammut tunisassallugit pilersaaruteqarput.

Kalaallit Nunaanni taratsut niuerutigineqartussanngorlugit aatsaavissuaq tunisassarineqartussanngorput.

Tunisassiorneq, ingerlatsineq allaffissornerlu aallarnisaasut aallaatanit suliarisassavaat. Aallarnisaassulli naatsorsuutigaat suliffeqarfimmi sulisut amerliumaassasut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER