Meeqqat atugaat pillugit misissuineq nutaaq

Misissuinermi pingaartinneqarpoq, meeqqat atuartut inuuniarnermi atugaat, peqqissusaat, inuttut atugaat peqqissutsikkullu pissusilersuutaat siammasinnerusumnik paasisaqarifineqarnissaat, kisianni aamma inuiaqatigiinnut tunngatillugu tulleriissaakkanut sammitillugu.

Misissuinerup inernerata takutippaa atuartut 63 %-tii ulluinnarni 4-riarlutik 5-riarlutilluunniit ullaakkorsiortartut, 11 %-tillu ullaakkorsiutitunngisaannartut. Aammattaq atuartut angerlarsimaffimmi nerisassaaleqineq pissutigalugu unnukkut kaallutik innartartut imaluunniit ullaakkut kaallutik atuariartortatut 2002-mi 11 %-timmiit 2006-imi 17 %-timut qaffariarsumasut paasineqarpoq. Nalunaarusiap aamma takkutippaa nerisaqarnermi ileqqut ataatsimut isigalugit Nuummi illoqarfinnilu pitsaanerusimasut, aammalu meeqqat siusinnerusumut sanilliullugu naatitartortartut amerlanerulersimasut. Illuatungaatigut meeqqat amerlangaatsiartut kalaallit nerisatoqaannik soorlu puisit, arfnerup neqaa timmissallu nerisarivallaanngikkaat.

Atuartut ilaat oqaatigaat timiminnik atuivallaarnatik aammalu 25 %-ingajaat ullormut minnerpaamik 4 tiimit fjersynlertarlutik. Tv-mik isiginnaarpiassanatimik nalunaartut amerlassusiata timiminnik atuivallaanngitsunut sanilliullugit amerlanerulaarput. Nukappiaqqat 13 %-tiisa niviarsiaqqallu 15 %-tiisa taavaat, ullormut nalunaaquttap akunnerini 4-7-ini computerimi spilertarlutik.

Aanngajaarniutinut tunngatillugu nalunaarusiami atuineq kisiat sammineqanngilaq, aamma aanngajaarniutit navianassusiannik atuartut qanoq ilisimasaqartiginerat aamma atuartut cigarettinik, imigassanik hashimilu pissarsinissaannut periarfissaat paasiniarpaat. Atuartut 15-iniit 17-inut ukiullit aanngajaarniutit navianassusiat pillugu piviusorpalaartumik paasinnittaaseqarput, naak imigassamik annertunerusumik atuinerup sunik ajoquteqarsinnaanera nalornissutigaluaraat.

Nalunaarummi nuannaarutissaavoq atuartut angajoqqaaminnut attavitik ataatsimut isigalugu naammagisimaarmassuk, inuunerminnilu atukkatik.

53-init Kisianni atuartut atuarfimmi atukkamikkut peqqissutsikkullu atugaat atorfiit akornanni assigiinngerrapput. Atuarfiit inernerit pissarsiatik atuarfimmi pitsaanerusumik atugaqarnerulernissamut anguniagaqarnerminnut siuarsaanissamut atorsinnaassagunikkit immikkut nalunaarusianik atuarfinnut naleqqussakkanik nassiussisoqarsimavoq, atuarfinnut misissuinermut peqataasunut tamanut. Nalunarusiani taakkunani nuna tamakkerlugu agguataqatigiisillu kjisitsisaanut sanilliullugu atuarfiup namineq kisitsisaatai.

Kalaallit Nunaannit atuartinnit 53-init atuartut katillugit 2.462-it 6. klassiniit 11. klaasinut atuartut misissuinermi peqataapput. Kalallit Nunaanni atuarfiit 82-iupput, atuartut 6. klassimiit 11. klassemut atuartut 4.123-iupput, atuartullu 40 %-tiisa apeqqutit akiorsimavaat.

2006-imi misissuineq Paarisa suleqatigalugu ingerlanneqarapoq, taakku NunaFond peqatigalugu aamma aningaasatigut tapiissuteqarsimapput. Misissuineq nangittaartumi Inussuk-mi saqqummersinneqarpoq, taanna KIIIP-imit saqqummersinneqartarppoq.