Erik Bjerregaard Italiamut konsulinngorpoq

Ilulissani Hotel Arctic-imi pisortaaneq Erik Bjerregaard København-imi pingaartorsiualaarnermi Italiamut konsul-itut toqqarneqartoq, nutaarsiassanik allakkat Travel People allapput.

– Qularutiginngivippara Erik Bjerregaard tassunga suliassamut tulluarluinnartuusoq, taama oqarpoq Italiap Danmark-imi aallartitaa Roberto Di Leo pingasunngorneq oktoberip qulingani Italiap København-imi aallartitaqarfiani pingaartorsiualaarnermi.

Erik Bjerregaard neriorsuivoq Italiamut konsul-itut ataqqinassusilimmik suliniarluni aammalu nersualaartinnerup tullissaanut ingerlaqqilluni Greenland Tourism-imi siulersuisuni siulittaasup tulliatut najuuffigigamiuk angalatitsiviit Oscar-innatitsinerat tassani Greenland Tourism toqqarneqarmat angalatitsiviit pitsaanersaattut Portugal aamma Tyskland qaangerlugit.

Powered by Labrador CMS