Skip to main content

Kangilinnguani James Bond-erpalaartut

Sakkutuut timmisartortartut timmisartuutaat Challenger-imik taaguutilik Kangilinnguani sungiusaatigalugu peqqumaatissanik nakkartitsivoq.

Sakkutuut timmisartortartut timmisartuutaata Challengerimik taaguutillip ilaatigut Kalaallit Nunaata kangiata Avannaani Sirius-patruljemut ajutoornermi atortussanik nakkartitsissagaangami toraaqqissaartumik pisariaqartarpoq. Kangilinnguani inunnut pissanganarluinnartuusarpoq, Gulfstreamip taartaa taanna ajutoornermi atorussanik nakkartitsinissamut sungiusaraangat, ataasinngormallumi sungiusarneq taamaappoq, taamani Challenger pukkitsuararsuulluni qulaattaqattaarluni ajutoornermi atortussanik qulimiguulik qulaallugu sungiusaatigalugu nakkartitsineq sungiusarmagu.

– Kangilinnguani qulimiguulimmut mittarfimmi sungiusarnissaq pilersaarusiorneqarsimavoq. Kangilinguani innuttaasut ilarpassui takusaarrassimasut timmisartoq pukkitsuararsuakkut timmilluni qulimiguulik qulaallugu timmisaqattaartoq isiginnaarrappaat. Misiliilluni timmisaqattaareerluni karsi ajutoornermi atortussanik nakkartitsisuusaarnermut atorneqartoq qulimiguulinnut mittarfimmut nakkartinneqarpoq, Kalaallit Nunaanni Sakkutooqarafik internetikkut nittartakkamini allappoq.

– Ataasinngorneq suliartorfigissallugu tujorminartuusartoq arlaat isumaqarsimassaguni, tamanna pissanganarnerujussuanngortinneqarpoq. Oqaaserpassuusinnaagaluartut kisianni migisami taamaattumi assorsuaq "James Bond"-imut eqqaanartoqarpoq, Kalaallit Nunaanni Sakkutooqarfik allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER