Politikerit japanimeersut nunatsinniittut
Tokyop, illoqarfiup inatsisartui, aqutsisui sivikitsuinnarmik Kangerlussuarmiipput. Illoqarfiup aqutsisuisa silaap allanngoriartornerata sermersuarmi sunniutai takusarpaat.
Politikerit japanimeersut sisamat Tokyo Metropolitan Assemblymeersut oktobari qiteqquttoq Kangerlussuarmiipput. Illoqarfiup aqutsisuisa nalunaaquttap akunnerini 24-ni Kangerlussuarmiinnerminni silap allanngoriartornerata sermersuarmut sunniutai takusarpaat. Kangerlussuarmiinnerminni nunaqarfiup aqutsisuinik ataatsimeeqateqarnissaminnut aamma periarfissaqarsimapput.
– Apeqqutaat nunaqarfiup aqutsisuinit akineqartarput, apeqqutaasalu aamma ilagaat uagut nammineerluta silap allanngoriartorneranik malugisimasaqarnerluta, nunaqarfiup aqutsisuisa siulittaasuat Fritz Baumann oqarpoq.
Japanimiut Kangerlussuarmiiginnarsimanngillat aamma Island Skandinavialu paasisassarsiorfigisimavaat. Nunani taakkunani silap allanngoriartornerata kinguneri paasiniarsimallugit. Tikeraartut paasisassanik ulikkaavissimapput.
- Kangerlussuup kangiani sermeq aakkiartortoq aammali sermeq sisujartorani uninngaannartoq takuneqarsinnaapput. Tikeraat allattuisupilussuupput takusatik tusakkatilllu unnersiuutigeqaat, nunaqarfiup aqutsisuisa siulittaasuat Fritz Baumann Sermitsiaq.gl-mut allappoq.
Nunaqarfiup aqutsisui politikerinit japanermeersunit tunissutinik tunisissimanerarput.