Skip to main content

Inatsisissamik isornartorsiuineq illuatungilerpaa

Ilsimatusarfik qaffasissumik inissisimalluni suli ilinniartitsissaaq, Namminersornerusut oqarput. Isornartorsiuisut Ilisimatusarfiup pitsaannginnerulernissaa ernummatigaat.

Namminersornerusut isumaqarput, Ilisimatusarfimmut inatsit nutaaq rektorimut prorektorimullu piginnaasaqarnikkut piumasaqaatinik sakkukinnerulersitsissasoq ilinniartitsisut ilinniartullu oqarnerat paatsuuinernik tunngaveqartoq. Rektori prorektorilu ilisimatusarnermik misilittagaqaqqaartariaqarunnaarput, kandidatitullu naammassisimanissaq naammagiinnarsinnaallugu. Piumasaqaataavorli Kalaallit Nunaanni pissutsinik ilinniagaqarnermullu tunngasunik ilisimasaqarnissaat.

Ilisimatusarfimmi ilinniartitsisoqatigiit ilinniartullu mianersoqqusillutik nalunaarput. Taakku ernummatigaat, ilisimatusarfiup ilisimatusarfiit pitsaannginnerit ilaannut ilaanersinnaanissaa.

Siunnersuutikkut Ilisimatusarfiup ilisimatusarfissatut akkuerineqanngikkallarnerata nalaanut utertinneqasaaq, ilinniartitsisoqatigiit tusagassiutinut nalunaarummi taamak mianersoqqussuteqarput.

Aalajangersakkap tamatuma allanngortinneratigut Ilisimatusarfimmi ilinniakkat pitsaassusaat annikinnerulersinneqarnavianngillat, KIIIP eqqissisaavoq:

»Nalornissutigineqassanngilaq Ilisimatusarfimmi ilinniartitsineq suli ilisimatusarnerit tunngavilgauit nunat tamat akornani ilinniartitsisarnertut qaffasissumi inissisimajuassammat, tamanna KIIP - Ilinniartitaanermut, Ilinniagaqarnermut Ilageeqarnermullu Pisortaqarfik sinnerlugu Namminersornerusut paasissutissiisarfiata tusagassiutinnut nalunaarutaanni allassimavoq.

KIIIP naapertorlugu allannguutissatut siunnersuut taanna pivoq qinnuteqartut amerlanerulersikkusullugit, ilisimatusartartut nuimasut kalaallit nunaanni pissutsinik ilisimasallit killeqarmata.

Ilisimatusarfimmi aqutsinermut inatsit nutaaq 2008-mi januaarip 1-ani atuutilissaaq. Knr.gl naapertorlugu ilisimatuunngorniat pineqartoq pillugu oqallitsitsinarput, tallimanngornermi nal. 16.00.

Inatsisartuni Demokraatit kisiartaallutik inatsimmi nutaami aalajangersakkanut pingasunngormat aappassaaneerlugu oqaluuserineqarnerani akerliupput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER