Skip to main content

BBC-mi nannut takukkit

Tuluit nutaarsiassaqartitsiviat taanna qarasaasiami nittartakkanik nutaamik pilersitseqqammerpoq, tassuunakkullu nannut kalallit nunaata kangianeersut ingerlaarnerat malittarineqarsinnaavoq, Pinngortitaleriffik nalunaarpoq.

Pinngortitaleriffik tuluit nutaarsiassaqartitsiviat BBC peqatigalugu internetimi webimi qupperneq nutaaq tamanut saqqummiuppaat, tassuunakkut ilaatigut nannut kalaallit nunaata kangianeersut sikorsuartigut saatsersutigut ingerlaarnerat satellit-ikkut aallakaatitsissutit atorlugit malittarineqarsinnaallutik. Nannut malittarineqarsinnaasut atserneqarsimapput Ulu, Nuka aamma Ivik.

Pinngortitaleriffiup BBC-mik suleqateqarneratigut inuit maanna amerlanerujussuit nannut imaani kalaallit nunaata kangiata avataaniittumi aalajuaannartumi ingerlaarfiat malittarisinnaalerpaat.

Nannut taaneqartut arnavissat 4-t angutivissallu 5-t allat peqatigalugit ingerlaanerat Kalaallit Nunaanni Pinnortitalerfiup internetimi nittartagaatigut 2007-imi martsimiilli malinnaavigineqarsinnaasimapput.

– Nannut Kalallit Nunaata kangiata sineriaani sikuiuitsuanilu imartarujusuakkut Norgemi Svalbardip tungaanut ingerlaartarput. Nannut avatangiisiminni allanngorartuartuni - sikumi taamaakkami - inuunerat pillugu ilisimasakitsuararsuuvugut, ilisimatuut pisortaat Erik W. Born Pinngortitaleriffimmiit nalunaarpoq.

Pinngortitaleriffiup Danmarkimi Avatangiisinut misissuiffik, Norgemi Issittoq pillugu Ilisimatusarfik, Tromsømi imaanut tunngasuni Ilisimatusarfik allallu suleqatigalugit kalaallit nunaata kangiani nannut Kalaallit Nunaata Kangiani 2007-imi martsimit satellit-ikkut aallakaatitsissutinik atortulersorlugit ikkussuiffigisimavaat.

Aallakaatitsissutit nannuni ukiuni arlalinni atasinnaapput. siunertarineqartut ilaatigut ilagaat nannut ukiup qanoq ilinerani assigiinngitsuni sumiittarnerat paasiniassallugu, aammalu sikup allanngoriartornera nannut siammarsimassusianut qanoq sunniuteqarnersoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER