Skip to main content

Meeraq igiinnaqinagu

Danmarkimut, Kalaallit Nunaanni Namminersornerulutik Oqartussanut kalaallinullu inuiannut tunngatillugu isumaqatigiissutip pingaarutaata atorsinnaanngitsutut oqaatigereernissaa siusippallaaqqaq, Aqqaluk Lynge, Kalaallit Nunaanni ICC-mi siulittaasoq oqarpoq.

Nunat Inoqqaavisa piginnaatitaaffii pillugit Isumaqatigiissut FN-ip septembarip 13-iani isumaqatigiissutigalugu atsiorpaa. Tassunga atatillugu nunanut allanut ministeri oqarpoq "FN aatsaavissuaq nunarsuarmi nunap inoqqaavinut tunngasumik piginnaatitaaffinnik isumaqatigiissuteqarpoq."

Piginnaatitaaffiit taakku ukiuni 22-ni sorsuutigisimasagut, isumaqatigiissutigineraniit ullut tallimat qaangiutiinnartut namminersorneq pillugu isumasioqatigiinni immikkoortortat ilaanni pisortap "naalungiaq uffarfiup kuuffiagut kuugutitippaa". Uagut ICC-mi Mininnguaq Kleistip radioaviisikkut marlunngormat (sermitsiaq.gl-imi issuarneqartut, aaqq.) politikkikkut oqaaseqaatai nalilertariaqarpagut.

Siullermik aalajangiusimasariaqarparput FN-imi isumaqatigiissut imminik pituttuisuunngikkaluartoq taamaattoq nunap inoqqaavi eqqartorneqartillugit qallunaat naalakkersuisuisa namminersornerlu pillugu suliniaqatigiiffiit piginnaatitaaffinut tunngatillugu siunissami suniliarnerminni pingaarutilerujussuartut najoqqutarisartussaassavaat.

Aappaattut isumaqatigiissutip tamakkiisumik nalertussusiata qanoq ittuunera oqaaseqarfigissallugu siusippallaaqaaq, Kalaallit Nunaata namminersornerullutik oqartussanut tunngatillugu aammalu siunissami namminersornermik aaqqissuussisoqarsinnaaneranut tunngatillugu isumaqatigiissut suliluunniit misissorluarsimanngimmagu, tamannalu maannakkut aallartipparput.

Pingajuattut namminersorneruneq aammalu siuinissami namminersortumik ingerlalersinnaaneq piginnaatitaaffinnit imatut tunngaveqanngillat. Tunngaveqarput pisortatigoortumik aaqqissuussatigut Kalaallit Nunaanni inajugaqartunut tamanut qallunaat naalagaaffianni innuttaaqataasunut atuuttussaq. Tassa kalaallit qallunaanullu.

Taamaattumik Namminersorneq pillugu Isumasioqatigiissitaq kalaallit nunap inoqqaavisut piginnaatitaaffii pillugit immikkut nalilersueqqullugu qinnuigineqarsimanngilaq. Namminersorneq pillugu Isumasioqatigiit suliaat pillugit paasissutissat kingulliit takutittungavaat, Isumasioqatigiissitami maannakkorpiaq ajornartorsiutit annersarigaat nunamut piginnittussaanermut pisuussutinullu piginnittussaassutsimut tunngasuusut - taamani ukiut 30-t matumas siorna Namminersornerulernissaq pillugu isumaqatigiinniartoqarmatorluinnaq.

Namminersorneq pillugu Isumasioqatigiissitap namminersornerulernissap angusarisimasaanut killiinnarsimasutut ippoq, taamanikkut oqartoqarmat "immeraassutaasariaqanngilarluunniit".

Piginnaatitaaffiit tunniussaaneq ajorput, tamakkuuku sorsuutigisariaqartut! Uagullu aatsaat aallartippugut,

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER