Perorsaasut amigaataanerat ajunaarfiuvoq
ISI-mi ilinniartitsisoq isumaqarpoq perorsaasunik amigaateqarneq meeqqat pisariaqartitaanuinnaq eqquinngitsoq, kisianni paaqqinnittarfinni perorsaasunik amigaateqarneq inuunniarnikkut maluginiarneqarpoq, knr.gl allappoq.
- Suliat meeqqanut tunngasut amerlasuut pinngitsoortinneqarsinnaasimassagaluarput paaqqinnittarfinni perorsaasunik sulianik ilisimasalinnik amerlanernik sulisoqartuugaluarpat, taamak oqarpoq isumaginnittunngirniat ilinniarfianni ISI-mi immikkut ilinniartitsisoq Bertha Dalager.
Tamatuma kingunerisinnaavaa meeqqat immikkut pisariaqartitsisut siusissukkut suliniuteqarnissami tapersersorneqarnissaminnik ikiorneqarnissaminnilluunniit amigaateqartut, Bertha oqarpoq.
Berthe Dalager oqarpoq, meeqqani ajornartorsiutit meeqqat atualereeraangata aatsaat paasineqakkajuttartut.
-Meeqqat ajornartorsiutai aaqqinniarlugit suliniutit perorsaasunik sulisoqartuuppat meeqqerivimmiinnerani aallartereersimasinnaagaluarput, taakku meeqqap piariaqartitai ilinniakkamikkut takusinnaasarmatigit.
Bertha Dalagerip aamma isumaginninermi siunnersortitut maluginiarsimavaa perorsaasunik amigaateqarnerup inuuniarnermut qquisimanera.
- Suliat isumaginninnermut tunngasut ilarpassui pingitsoortinneqarsinnaasimassagaluarput meeqqerivinni perorsaasunik naammattunik sulisoqartuugaluarpat.
Ullumikkut kommunini 17-ini perorsaasutut atorfiit inuttaligassatut akuerisat 406-iupput. Taakkunannga taamaallaat 187-it perorsaasunik ilinniarsimasunik inuttaqarput.