Skip to main content

Neriuffik aatsat taama angusarissaartigissangavoq

Kræfti akiorniarlugu suliniaqatigiiffik Neriuffik sapaammi katersuiniarnermi amerlasuunik katersuissalluni neriuuteqartorujusuuvoq.

Neriuffik nuna tamakkerlugu aningaasanik sapaammi katersuiniartitsivoq.

- Nuummiinnaq 150.000 koruunit katersussallutigit anguniagaraarput, Neriuffiup siulittaasua Johanne Olsen oqarpoq. Siornarnit amerlanerujussuarnik katersiuniassallutik siorna 85.000 koruuniummata.

- Juumini ataasimeersuarpugut nutaamillu nittartagartaarluta. Inuit kikkuunitsinnik ilisimaarinnillualersimapput suliatsinnullu soqutigininninnerulersimallutik, Johanne Olsen, Sermitsiaq.gl-mut oqarpoq.

Taama amerlatigisunik katersuinissamut pissutaatippaa nuna tamakkerlugu suli katersuiniartoqanngitsoq eqqorniagassanik tuniniaasoqarsimammat aamma Nuup katersortarfiani inuppassuit arfininngornermi unnukkut bingoriarsimammata.

Aamma isumaqarpoq akeqanngitsumik eqqugassanik tunisisoqarsimanera soqutigineqarluartoq. Eqqugassani annerpaajuvoq Air Greenlandip Baltimorimut billitsi tunniussaa. Taanna Danmrkiliarnermut, Baltomoriliarnermut nunatsinnillu angalanermut atorneqarsinnaavoq.

Johanne Olsenip naatsorsuutigaa nuna tamakkerlugu katersuiniarnermi qassit katersorneqarsimanersut marlunngorpat paasinarsissasoq. Suli tunisisimanngikkaanni tunisinissamut periarfissaqarpoq, niuertarfinni aningaasanut ataasinngornermut nakkaatitseveqartitsisoqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER