Urani angallannerlu innuttaasunit ataatsimiissutigineqassasut
Narsap kommuneata Kuannersuaq angallannerlu innuttaasunut ataasinngornermi unnukkut ataatsimiissutiginniarpaa
Narsap kommunea katersortarfimmi ataasinngornermi innuttaasunik nalunaaqutaq 19 ataatsimiititsissalluni aggersaavoq. Oqaluuserisassat marluupput: Kujataani angallanneq Kuannersuarmilu ujarassiuut misissuinerat Narsallu kommuneani allani aamma misissuinerit oqaluuserineqassallutik. Narsap borgmesteria Kiista P. Isaksen taama Sermitsiaq.gl.-mut ilisimatitsivoq.
Kuannersuarmi misissuinerit oqaluuserineqaqalutillu assortuussutaaqaat, qaqqaq taanna taaneqaannartoq uran eqqaaneqartarmat. Narsamilu innuttaasut ulluni makkunani aperisarput uranimik piaaffiup radiop qinngorneranik navianartullip eqqaani najugaqassanerlutik, imaluunniit aatsitassanik allanik piaasoqassasoq suliffissanik nutaanik pilersitsisunik illoqarfimmi suliffissaaleqiffioreeqisumi.
Misissueqqissaarnissamik suliarinnittussarsiuussinermi suliarinnittuulersut Greenland Minerals og Energy Ltd-ip, ingerlatseqatigiiffiup siulersuisuisa siulittaasuat Hans Kristian Schønwandt innuttaasut ataatsimiinneranni najuutissaaq.
Kujataani angallanneq pillugu kommunip angallaneq pillugu siunnersortini, inatsisartunut ilaasortaasimasoq Per Rosing Petersen aggersarsimavaa, borgmester Kiista P. Isaksen ilisimatitsivoq.