Kalaallit Nunaata silaa ukiup qanoq ilineranut
DMI-ip ukiup qanoq ilineranut siulittuisarnini annertusivai, taamaalilluni Kalaallit Nunaata ukiup qanoq ilineranut ilimasaarutit aamma pissarsiarisalissallugit
– Ukiup qanoq ilineranut ilisimasaarutinut atortut ulluni makkunani sammisarineruagut, aammalu pitsaanerulersinniarlugillu pissarsiariuminarsarniarlugit sulissutigiuarparput. Taamatut annertusaanitsinni taamaalilluta Naalagaaffeqartigiiffik tamakkerlugu kiassutsip qaammatini tulliuttuni pingasuni agguaqatigiisitsinermiit nikingassusia takutissinnaalerparput, dmi naapertorlugu aaqqissuisoq Bjarne Siewertsen oqarpoq.
Danmarks Klimacenterip aamma silasiornermut immikkoortortaqarfiup ineriartortitsinermut immikkoortuata suleqatigiinnerisigut ukiup qanoq ilineranut ilimasaarutit ineriartortinneqarsimapput. Ilimasaarutit annertunerumaat dmi.dk-mi aaqqissuutereerlugit qaammatip naajartornerani saqqummissapput.
Ukiup qanoq ilineranut ilimasaarutit piffissamut sivisuumut ilimasaarutaapput, qaammatit pingasuniit qullingiluat tikillugit siulittuutaalutik. Taakku nalinginnaasumik silamik ilimasaarutinut sanilliunneqarsinnaanngillat, nalorninaat taakkunannga annertunerugami.