Joachim katissaaq
Kunngikkormiut upernaamut katittorsiussapput, prins Joachim Marie Cacallier-ilu katippata.
Prins Joachimip Marie Cavallier nuliassartaaraa, kunngikkormiut nalunaarput. 2008-mi upernaap ingerlanerani katissapput. Katinneq naammassippat Marie Cavallier prinsessemik taaguuteqalissaaq, taamak kunngikkormiut sulisuisa pisortaat Ove Ullerup oqarpoq.
Marie Cavallier franskisut innuttaassuseqarpoq ilagiinnullu romersk-katolskinut ilaalluni. Mariep katinnerminut atatillugu ilagiinnut evangelist-lutherskenut ilanngunniarluni qinnuteqarpoq, danskisullu innuttaassuseqarnissaq qinnuteqatigalugu.
Kunngikkormiut qallunaat nalunaaqutaat malillugu nal. 16 aappassiariilerneq pillugu Amalienborgimi tusagassiortunik katersortitsissapput.
Statsministerip Anders Fogh Rasmussenip kunngikkormiut aappassiartaariilersut pilluaqquai.
- Prins Joachim aamma Marie Cavallier sinnerlugit nuannaarpunga, ullaap-tungaanilu Naalagaaffiup Sinniisoqarfiani ataatsimiinnermut atatillugu naalakkersuisut pilluaqqussutaat apuussimavara. Aappariit siunissamii ajunnginnerpaanik kissaappakka, Ritzau-imut oqarpoq.
Statsminister Anders Fogh Rasmussenip pisoq pillugu siullerpaanut ilaalluni ilisimatinneqarpoq. Ritzau naapertorlugu Foghip Naalagaaffiup Sinniisoqarfiani kunngikkormiut tikilluaqunnginnerini partiini siulittaasut pingasunngormat ullap-tungaani ilisimatippai, tassani kunngikkormiut appassiariilerneq katinnissarlu pillugit ilisimatitsipput.