Umiarsuarmut ilaasut pingasunngornermi timmisartuunneqassapput
Sarfaq Ittuk-p ilaasui Maniitsumiittut umiarsuarmi unnuisariaqarsimasut pingasunngorpat apuuffissaannut timmisartuunneqassapput.
Ilaasut Maniitsumi ingerlaqqissinnaajunnaarallaqqasut umiarsuarmi unnuisariaqarsimapput, pilersaarutaavorlu aqagu apuuffissaannut apuunniarneqarnissaat, knr.gl allappoq.
- Ilaasut apuuffissaannut ingerlatissavavut, Paamiuliartut kisiisa pinnagit. Neriuutigaarput aqagu Nuulliartut, Narsaliartut Qaqortuliartullu ingerlassinnaajumaarlutigit, Arctic Umiaq Line-imi pisortaq Jette Larsen oqarpoq.
Paamiuliartut ingeqaqqinnginnerminni Nuummi unnuisinneqassapput.
Ilaasut Maniitsormiunngitsut umiarsuarmi unnuaru unnuissapput. Umiarsuaq ulluni qaninnerni Nuuliaanneqassaaq tassanilu atortui elektroniskiusut ilarujussui misissorneqassallutik.
- Tamatuma kingorna ajoqusernerit iluarsaannissaannut pilersaarusiortoqassaaq, kingornalu ilursaassinernut piffissaq atugassaq takoriarlugu pilersaarusiorluta aallartissaagut, AUL-imi pisortaq Jette Larsen oqarpoq.