Neriuffik meeqqanut aningaasaateqarfiliorniarpoq
Kræftimut akiuiniaqatigiiffik Neriuffik meeqqanut aningaasaateqarfiliorniarpoq
Annonse
Taamatut ilisimatitsivoq siulittaasoq Johanne Olsen Sermitsiaq.gl-imut.
Aningaasaateqarfiup meeqqat inuusuttullu 18-it inorlugit ukiullit kræftimik eqqorneqartut tapiiffigisassavai. Aamma aningaasat kræftimik nappaateqartumut nammineq toqqakkaminik tunissutisinermut atorneqassapput.
Aningaasaateqarfiup malittarisassai decemberimi siulersuisut ataatsimiilerpata akuersaarneqarnissaat siulittaasup ilimasaarutigaa.
Aningaasaateqarfiup iliuusissanut aningaasat atugassai ilaatigut ukioq manna katersuiniarnermeersuussapput.