Skip to main content

Air Greenlandimi suliumajunnaartut

Air Greenlandip timmisartui Dash 7-it aamma helikopterii S-61-it kiisalu Air Greenlandip Kangerlussuarmut timmisartuussivii ullaaq manna uninngaannarput, timmisartumi saqisut suliaminnut atatillugu ataatsimiinneri pissutigalugit. Suliat unitsinneqarnerisigut timmisartuussivik København-Narsarsuaq eqqorneqassanngilaq.

– Sulinermik unitsitsineq unioqqutitsineruvoq, allatullu iliorsinnaanngilagut taamaallaat timmisartumi saqisut suilaminnik nangitsinissaannik qinnuigalugit, Jørgen Erik Andersen, Air Greenlandimeersoq, oqarpoq.

Københavnimi Kalaallit Nunaannilu sulisut 25-it missaanniittut ullaaq manna sulinerminnik unitsitsipput, Kalaallit Nunaannilu timmisartuussineq marlunngornermi ullaakkut uninngavoq.

– Timmisartunik Dash 7-inik helikopterinillu S-61-inik timmisartuussineq uninngavoq, sulilu timmisartuni saqisunit tusagaqanngilagut qaqugu sulinertik nangeqqissaneraat, Jørgen Erik Andersen Sermitsiaq.gl-imut oqarpoq.

Air Greenlandimi timmisartumi saqisut akissarsiatik sulinermilu atugassaritinneqartut naammaginngilaat, Air Greenlandimi saqisut kattuffianni ACU-mi siulittaasoq Anders Mark Jensen paasissutissiivoq, tamannalu peqatigalugu suleqatini kajumissaarlugit sulinertik nangeqqeqqullugu.

– Sulisut qullersanut allagaqarsimapput, naammaginartumilli akissuteqarfigineqarsimanatik. Qaammatini kingullerni arfineq-pingasuni isumaqatigiinniuteqasimapput, maannalu utaqqikatalersimallutik. Ilaasortat ullaap tungaani ataatsimeeqatigissavakka kajumissaarniarpakkalu sulinertik nangeqqissagaat, Anders Mark Jensen Ritzaumut oqarpoq, taassumalu marlunngormat ullaakkut neriuutigaa Kalaallit Nunaanni timmisartuussineq ullup ingerlanerani aallarteqqinneqareersinnaassasoq.

Timmisartumi saqisut suli piumasaraat Air Greenlandip pisortaanik isumaqatigiinniarnissartik.

– Ilaasutsinnik akornusersuinerput ajuusaarutigaarput, allamilli aqqutissaqanngilagut, qaammatini kingullerni arfineq-pingasuni qullersat oqaloqatiginiartuarsimagaluaratsigit. Qullersanut inassutigaarput ataatsimoorluta isumaqatigiinnialissasugut illua'tungeriinnut tamanut naammaginartumik aaqqiissutissamik, sulinerput pissutsit eqqissisimanartut ajunngitsullu atorlugit aallarteqqinniassagatsigu, timmisartumi saqisut nalunaaqutarput malillugu 8.30 tusagassiorfinnut allakkaminni allapput.

Timmisartiissivik suliat unitsinneqarnerannik eqqorneqanngitsutuaq tassaavoq Københavnip Kangerlussuullu akornanni timmisartuussivik, tassani saqisut ullumikkut atorfiliummata.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER