Skip to main content

Timmisartumi saqisut eqqartuussivilersuunneqassapput

Allatut ilorsinnaanngilagut, Air Greenlandimi psiortaaneq Michael Binzer oqarpoq.

– Sulisut ilaannik siumut kalerreeqqaarani isumaqatigiissutinik unioqqutitsilluni suliaminnik unitsitsisunik isumaqatiginninniarsinnaanngilanga. Taamaattumik taakku sulinermut tunngasunut eqqartuussivimmut tunniuttariaqarpakka akiliisitaanissamillu piumasaqaateqarlunga pinngitsaalillugit sulilersittariaqarlugit, Air Greenlandip pisortaanera Mihcael Binzer taamak Sermitsiaq.gl-imut oqarpoq.

– Assorsuaq ajuusaarnarpoq nioqqut ullumikkut sullitatsinnut neriorsuutigisarput eqqortissinnaannginnatsigu, Michael Binzer nangippoq, ilisimatitsissutigalugulu aaqqiagiinnginnerup marlunnornermi ilaasut 600-t missaanniittut eqqorai.

– Air Greenlandimi sulisut ilaasa isumaqatigiissutinik unioqqutitsillutik siumut ilisimatitseqqaaratik sulinerminnik unitsitsinerat assut ernumanarpoq. Taamaattumik misigisimasaqanngisaannarpugut, Michael oqarpoq.

Qallunaat nalunaaqutaat malillugu marlunngornermi unnukkut susoqarnissaa aammalu Air Greenland pingasunngornermi timmisartuussiniarnersoq ilisimaneqanngilaq.

– Pingasunngornermut immikkut ittumik aaqqiinissaq soorunami pilersaarusiorparput, kisianni suli susoqarnissaa naluarput, Michael Binzer oqarpoq.

– Ajornartorsiutaavoq timmisartumi saqisut maanna teqeqqumut pillutik imminnut mattussimagamik. Allamik periarfissaqanngilagut. Aaqqiagiinnginneq sakkortusaarnermik aaqqittariaqarparput sulinermullu tunngasunut eqqartuussivik akuleruttariaqarlutigu, taamaalilluta timmisartuussinerit nangissinnaaqqullugit saqisut sulilersittariaqaratsigit.

– Ajornartorsiutaavoq sulisut isumaqatigiissutip atuuttup qiteqqunnerani isumaqatigiinniarnerit ammarniarmatigit. Isumaqatigiissut 2007-imi jannuaarip aallaqqaatani atuutilersussanngorlugu 2006-imi juunip aallaqqaataani nammineq atsiorsimasartik.

Michael Binzer pisortaanertut qanittukkut atorfinippoq.

– Suleqatigiinnermut ataatsimiitsitaliap ataatsimeereernerata kinguninnguaq ilisimatinneqarpunga pensiuunermut malittarisassat siumut ilisimareersimanngitsunik ajornartorsiutigineqartut. Misaissorumallugit saqisut neriorsorpavut aaqqiissutissamillu nassaarniarluta misissuisitsilerluta. Suliaq tamanna suli naammassinngilaq.

– Sapaatuimmat naggataarutaasumik piumasaqaat tiguara, tassa akissarsiat pensiuunillu pillugit sulisullu isumaqatigiinnialissasugut tmannalu pissasoq ataasinngornermi nal. 12.00, Michael Binzer oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER