Skip to main content

Dash ataaseq timmisinnaavoq

– Dash ataaseq Kangerlussuup Nuullu akornanni timmitissinnaavarput, Jørgen Erik Andersen Air Greenlandimi timmisartuussisarnermut ingerlatsivimmeersoq ilisimatitsivoq.

Air Greenlandimi aaqqiagiinnginneq sisamanngornermi ullaakkut ullut pingajussaa ingerlavoq. Air Greenlandip Airbus 243-nik ilaasulik aallartippaa, taannalu Kangerlussuarmut nal. 12.30-ip missaanni tikissangatinneqarpoq, Jørgen Erik Andersen Air Greenlandimi timmisartuussisarnermut ingerlatsivimmeersoq ilisimatitsivoq. Timmisartumi saqisut aqutsisuupput aqqiagiinnginnermullu akuunatik.

Peqatigitillugu Air Greenlandip Dash ataaseq Nuummiit aallartissinnaasimavaa, timmisartumi saqisunit aaqqiagiinnginnermut attuumassuteqanngitsunik saqisulerlugu. Dash taanna Nuummiit Kangerlussualiassaaq, tassanngaaniillu Ilulissaniit Kangerlussualiassalluni, kingornalu aamma Kangerlussuarmiit Nuulliaqqitsinnani aammaarluni Ilulissaniit kangerlussualiaqqissalluni, Jørgen Erik Andersen ilisimatitsivoq.

Tassa ilaasut 44-t Nuummiit Købehavniliarsinnaalerput aammalu Ilulissaniit ilaasut 44-t marluiit Københavniliarsinnaassallutik. Qaavatigut aamma ilaasussat 55-t kangerlussuarmi utaqqipput.

Københavnimi sulinermut tunngasunut eqqartuussiviup eqqartuussut sunaanersoq suli oqaatiginngilaa.

– Soorunami Sulinermut tunngasunut Eqqartuussivik aalajangissappat timmisartumi saqisut pinngitsooratik suliartussasut, taava naatsorsuutigaarput taakku erngerlutik suliartussasut, taamalu ilaasussat utaqqiinnaleqqasut isumagisinnaalissagatsigit. Kisianni naatsorsuutigaara ilaasugut tamaasa apuffissaannut apuuttinnagit ullualuit atoqqaartariaqassallutigit, Jørgen Erik Andersen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER