Skip to main content

Karl Kristian Kruse aamma Jørgen Dalager kapisilimmit nersornaaserneqartut

Karl Kristian Kruse, Uummannami Niaqornaneersoq 2.500 dollarsinik aammalu Jørgen Dalager 1.500 dpllarsinik NASCO-miit akissarsipput.

Kalaallit aalisartut marluk 2007-imi Kalaallit Nunaanni Pinngortitaleriffimmut kapisilinnut nalunaarsuutinik nassitsisimallutik akissarsitinneqarput.

Aalisartoq Karl Kristian Kruse Uummannap kommuneani Niaqornaneersoq NASCO-p 2007-imi pingaarnertut akissarsiassarititaa 2.500 dollarsinik nalilik akissarsiaraa, taannalu ullumikkut Uummannap borgmesterianit Jens Lars Fleischerimit tunniunneqassaaq. Kapisilinnut nalunaarsuut kapisilimmut USA-mi 2006-imi Penobscotip kuussuani Maine-imiittumi nalunaaqutsiunneqarsimavoq.

Akissarsisut aappaa tassaavoq Jørgen Dalager Qasigiannguaneersoq, taanna pingasunngormat checki 1.500 $ NASCO-miit akissarsiaraa, chcki taanna Qasigiannguani borgmesterimit Jess Svane-mit tunniunneqarpoq. Kapisilik Jørgen Dalagerip pisaa Canadami New Brunswickimi Miramichip kuussuani 2005-imi nalunaaqutserneqarsimavoq.

NASCO (North Atlantic Salmon Conservation Organastation) suliniaqatigiiffiuvoq kapisillit Atlantikup Avannaata imartaani uumasuusut nungutsaaliorneqarnissaannik suliniuteqartoq. NASCO kapisilinnut nalunaaqutsersuinermik ingerlataqarpoq kapisilinnut nalunaaqutsersuutit utertinneqartarnerannut kajumissaataallunilu pitsanngorsaataasumik. Kapisillit nalunaaqutserneqartarput kapisillit qanoq atorneqarnerat qanorlu angalatigisarnerat pitsaanerusumik ilisimasaqarfigilerniarlugu.

Kapisilinnik nalunaaqutsersuinermik pilersaarummut atatillugu NASCO nunarsuup immikkoortuini Amerikap avannaani, Atlantikup kangimut avannaani aammalu Kalaallit Nunaata kitaani, suleqatigiissitaanit ukiut tamaasa immikkoortunut 1.500 dollarsinik agguaassisarpoq.

Jørgen Dalagerip akissarsiassaq Kalaallit Nunaata kitaata suleqatigiissitaanit agguaaneqartoq akissarsiaraa.

Kalaallit Nunaata kitaanut tunngatillug suleqatigiissitaliaq Kalaallit Nunaat sinnerlugu Canadamit, EU-mit aamma Danmarkimit inuttaqartinneqarpoq.

Saniatigut aamma suleqatigiissitaliaqarfinniit akissarsiassaq angisooq 2.500 dollarsinik nalilik tunniunneqartarpoq.

Akissarsiassaq taanna Karl Kristian Krusep akissarsiaraa.

Ajugaasut NASCO-p ukiumoortumik ataatsimeersuarnerani nalunaarutigineqartarput, tannalu ukioq manna USA-mi Maine-miittumi Bar Harborimi ingerlanneqarpoq. NASCO ukioq manna nunanit ilaasortanit kapisilinnut nalunaaqutsersuutinik katillugit 1.200-nik nassitsissimavoq.

Kalallit Nunaanni kapisilinnut nalunaaquttat Kalallit Nunaanni Pinngortitaleriffimmut nassiunneqassapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER