Skip to main content

Savaatillip gigtipalaarnera inuussutissarsiummit nappaatitut akuerineqartoq

Savaatillip siffissamigut gigtipalaarnini inuussutissarsiummik peqquteqartumik nappaataasoq akueriteqqammerpaa. Siullerpaamik nunatsinni taamaattumik pisoqarpoq, namminersornerusut oqarput, tassa siffissakkut gigtipalaarnermut tunngatillugu suliami ataavartumik ajoquteqalersimanermut akuerineqarlunilu taarsiivigitittoqarpoq.

Kalaallit Nunaanni siffissakkut gigtipalaarnermut tunngatillugu suliami aatsaavissuaq taamaattoq akuerineqarlunilu ataavartumik ajoquteqalersimanermut taarsiissuteqartoqarpoq. Savaatilik 68-inik ukiulik ajoquteqalersimanermut taarsiivigineqarpoq 100.000 kr.-ingajannik.

Namminersornerusut isumaqarput, ukiuni tulliuttut ingerlanerini inuussutissarsiummik peqquteqartumik nappaatitut akuerisaasut nutaat takkuttalerumaartut. Najoqqutassiaq nutaaq takkuttussaq aqqutigalugu nappaatit arlallit sulinermik peqqutigartumik nappaatitut akuerineqarsinnaalernissaannut ammaassivoq. Najoqqutassiaq 2008-mi jannuaarip aallaqqaataani atuutilissaaq.

Sulinermit ajoqusernermut sillimmasiisarnermut Ataatsimiitsitaliaq ullumikkut inuussutissarsiummik peqquteqartumik nappaatit pillugit ikittuinnarnik nalunaarutisisarpoq. Taamaattumik arlallit kajumissaarneqarput nappaatit suliamminnik peqquteqarsorisatik nalunaarutigeqqullugit. Savaatilik 68-inik ukiulik taamaaliorpoq, taamalu tamanna tunngavigalugu ajoqusersimanermut 100.000 kr.-ingajannik taarsiivigineqarluni.

– Sakkortuumik sulinerminnik peqquteqartumik ajoquteqalersimasut suli arlaqassapput, Kristina Nordby Sermitsiaq.gl-imut oqarpoq. Kristina Suliffissaqartitsiniarnermut Inuussutissarsiutitigullu Ilinniartitaanermut Pisortaqarfimmi sulinermit ajoqusersimanermit sillimmasiisarnermut ingerlatsivimmi sulivoq.

Savaatilik eqimattakkaanut sillimasiisarnermut atasuuvoq taamaattumillu taarsiivisineqarnissamut pisussaaffeqarluni.

– Meeraallunili sulilersimavoq, savaatilinni ikiortaasarsimalluni. Suliaq sakkortusimaqaaq, ilaatigut ujaqqanik piiaaneq, taamanikkumi maskiinaqanngilaq, Kristina Nordby savaatilik pineqartoq pillugu oqaluttuarpoq.

Eqimattakkaanut sillimmaserneq aalisartunut, piniartunut savaatilinnullu inatsisitigut pisussaaffiuvoq, arlilli akiliinissartik puigortarpaat. Tamanna ajornartorsiutaavoq, tassami nappaammut ersiutit takkukkaangata sillimmasersimanngikkaanni taarsiivigitittoqarsinnaanngilaq. Taamaattumik pingaaruteqarpoq aalisartut, piniartut savaatillillu tamarmik eqimattakkaaminnut sullimasiinermut akiliisarnissaat, Namminersornerusut erseqqissaapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER