Air Greenlandimi oqaloqatigiinneq pitsaasoq
Timmisartumi saqisut siulittaasuata nipi pitsaasoq atuleqqinneqarmat nuannaarutigaa
Air Greenland Cabin Union-imi siulittaasoq Anders Mark Jensen timmisartuutileqatigiinnilu pisortaaneq Michael Binzer tallimanngormat oqaloqatigiinnernut siullernut naapipput, timmisartumi saqisut ullut pingasut isumaqatigiissutinik unioqqutitsisumik suliaminnik unitsitseqqareerlutik ullaaq suliartoqqimmata.
– Oqaloqatigiinneq pitsaasuullunilu nuannerpoq. Maanna iluarsaasissaagut, Anders mark Jensen Sermitsiaq.gl-imut oqarpoq.
Piumasaqaatissi ilaat iluatsippisigit?
– Taamak sukkatigiunnanngilaq. Oqaloqatigiinneq pitsaasumik aallartippoq, timmisartumi saqisut kajumissaarinikkut sulileqqimmata, Anders Mark jensen oqarpoq. Taassuma oqaloqatigiinnerit imaanik illuatungeriilluunniit qaqugu naapeqqissanersut annertunerusumik oqaaseqarfigerusunngilaa.
– Maannakkut ilaasortakka eqqissillunga oqaloqatigeqqaarniarpakka, oqarpoq.
Michael Binzer isumaqatigiinniarnerniit oqaaseqartinniaraluaratsigu iluatsinngilarput.