Air Greenland ataasinngornerunissaanut qilanaarpoq
Suliumajunnarnerup kingorna ilaasussat ingerlariaqqisinnaajunnaaqqasut Air Greelandip maanna ataasinngorpat apuussinnaajumaassalugit naatsorsuutigaa marlunngorpallu nassiussat kingulliit apuunneqassallutik, Air Greenland ilisimatitsivoq.
Air Greenlandip maanna suliumajunnarnerup kingorna ataasinngorpat aaqqiisinnaalernissani naatsorsuutigaa, ilaasut ingerlariaqqissinnaajunnaarsimasut 30-it missaanniittut Ilulissanullu Qaanaaliaanneqassammata, aammalu ilaasussat 50-it missaanniittut ASA-imik Københavniliaanneqarsinnaassallutik.
Nassiussat Maniitsuliartut marlunngorpat assartuunneqassasut Air Greenlandimi nakkutilliisoq Niels Chemnitz taamak ilisimatitsivoq.
Timmisartumi saqisut ulluni pingasuni suliumajunnaarneranni inuit 45-t sisamanngormalli Kangerlussuarmiit Baltimoriliartussaagaluit eqqorpaat. Timmisartuussivimmi matumani timmisartuussinerusussaasimammat Air Greenlandip Air Icelandimiit timmisartumik attartorluni ilaasussat Islandimi Keflavik aqqusaarlugu Baltimore-imut apuussinnaasimavai.