Skip to main content

Kalaallit Nunaat qallunaat iperarniarpaat

Qallunaat sisamaappata pingasut isumaqarput Kalaallit Nunaat tamakkiisumik namminersulertariaqartoq. Kisianni aningaasaqarneq massakkut suli sanngiippallaaqaaq, politiken naapertorlugu aningaasarsiornermut ilisimatuut mianersoqqusipput

Kalaallit Nunaata namminersulerusunnera qallunaat paasisinnaavaat. Tamanna isumasiuinerup nutaap misissueqqissaartartunit Synovate Vilstrup-ip Politiken-imut suliarisimasaanit takuneqarsinnaavoq.

Misissuineq naapertorlugu qallunaat sisamaagaangata pingasut isumaqarput, Kalaallit Nunaat tamakkiisumik namminersulertariaqartoq, aammalu 63 procentii isumaqarput aatsitassat olielu kalaallit nunaata imartaata naqqata ataaniittoq kalaallit nammineq aalajangiiffigisinnaallugu piginnaatitaaffigisariaqaraat.

Kisianni namminersilerneq ilutigalugu naalagaaffimmit tapiissutit aqqutigalugit aningaasatigut 3,2 mia. kr.-inik tapiiffigineqartarneq atorunnaassaaq. Imaappoq inummut ataatsimut 67.000 kr. Kalaallit Nunaat naalagaaffimmit tapiiffigineqanngikkuni nunatut siuarsagassatut inissinnissani naatsorsuutigissavaa, Lise Lyck, Copenhagen Buseness School-imeersoq taamak oqarpoq.

– Kalaallit Nunaat namminersulernerup nassataanik aningaasaqarnikkut imminut napatissinnaanernissaanut piffissaq sivisoorujussuaq atoqqaartariaqarpoq. Olie immap naqqaniit piiarneqalinngippat Kalaallit Nunaat qallunaat nunaannit tapiiffigineqarnani aningaasaqarnikkut naammattunik nukissaqalersinnaanissanut ukiut suli 30-t ingelaqqaartariaqarput, Lise Lyck Politiken-imut oqarpoq.

Oliemik nassaarnissamut ilimasunneq annertugaluartoq Kalaallit Nunaata imminut napatissinnaanissaanut oliemit isertitassat apeqqutaanngillat, Mininnguaq Kleist namminersulernissaq pillugu allaffimmeersoq isumaqarpoq. Taassuma ilaatigut erseqqissaatigai aatsitassarsiorneq, takornariaqarneq, erngup nukissiorneq aammalu aluminiiorfissuaq nutaat angisoorujussuaq piffissap ungasippallaangitsup ingerlanerani Kalaallit Nunaata aningaasarsiorneranut ineriartortitseqataalerumaartut.

– Tamakku takutippaat uagut nammineq aningaasarsiorsinnaasugut, sulillaqqinnerulissaagut, Mininnugaq oqarpoq, erseqqissarlugulu Danmarkimiit tapiissuutit ullumikkut Kalaallit Nunaata tamakkiisumik isertittagaasa pingajoqarterutigigaat, siusinnerusukkut affaasimagaluarlutik.

Mininnguaq Kleistip qallunaat aningaasaqarnikkut ilisimatuui isumaqatigai, Kalaallit Nunaata iliniartitaanikkut ingerlatseriaasia, sulisussaqarniarnera niuernikkullu nunanut allanut attaviisa ineriartortinneqartariaqarnerat pisariaqartoq. Isumaqarporli tamanna tunngavigalugu namminersulernissaq utaqqittariaqanngitsoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER