Islandimiit Nuummut aqqut iluatsilluartoq

Air Icelandip Nuummut timmisartuussisalernera islandimiunit ilassilluarneqartungavoq. Timmisartuutileqatigiit aappagu pisuunut unamminertalimmik aalisartitsinissaq salliutiniarpaa.

Air Icelandip aallartitai qanittukkut Nuummeeqqammerput 200-imi timmisartuussisalernissanut neqeroortaajumaartussat qimerlooriartorlugit. Tikeraarneq pivoq, Reykjavik-ip Nuullu akornanni timmisartuussisarnermi ilaasussat amerlassusigisinnaasaat iluanaarutaasinnaasoq paasinarsimmat.

- Ukioq manna Nuummukartitsisarnitsinni assorsuaq iluatsitsisimavugut timmisartuni inissat 65-70 pct.-iini ilaasoqartarluta, taamaattumik pissusissamisuuinnarpoq aappaagumut timmisartuussisarnissatsinnut ilungersornerulaarluta pilersaarusiornissarput, aamma illoqarfiit pingaarnersaasa taakku marluk akornanni timmisartuussisarnigut amerlisinnarlugit eqqarsaatigaarput, Air Icalandip sullitat isumagineqarnerannut pisortaq Gróa Ásgeirsdóttir greenland.com-imut oqaluttuarpoq.

Flemming Nicolaisenip Nuuk Tourism-imeersup kajumissaarineratigut ilaasunik isumaginninnermut pisortap ullumikkumut sanilliullugu maannakkorpiaq katillugit qaammatinik marlunnik ilallugit timmisartuussisarsinnaalissanerlutik eqqarsaatigaa. Tassa majimiit septemberip naanissaata tungaanut. Air Icalandip aliikkutaralugu qissattaammik aalisartartut tammajuitsunnanniarlutillu piniartartut pilerisaaruteqarfiginiarlugit suliniutigaa, takorniariat taakku Nuuk Tourism peqatigalugu hotelini illuaqqanilu feeriarsinnaanissartik aaqqissuussinnaassagamikku.

Misileraalluni aalisartartoq Pálmi Gunnarsson, Islandimi unammiuaarnertalerlugu aalisartartunik ingerlalluartumik ingerlatsiviuteqartuusoq naapertorlugu Nuuk eqqaani piniarnissamut aalisarnissamullu periarfissat nalissaqanngillat ilaatigullu Islandimi pissutsinit pitsaanerujussuusarlutik.

- Illoqarfimmi takornarianik angallassisartut pikkorissorsuit iluaqutigalugit pitsassuarnik misigisaqarsimavugut aalisakkanillu neriuutigisinnaasatsinnik amerlanerujussuarnik pisaqarluta. Unammiuaarnertalimmik aalisarnerit siunissaqarluartut takorloorparput, aammali ukiakkut tammajuitsussarsinarluni piniarnerit, greenland.com naapertorlugu Pálmi Gunnarsson oqarpoq.

På billedet ses fra venstre mod højre :

1: Bjarni Brynjólfsson (sportsfisker-journalist, web)

2: Ragnar Holm (sportsfisker-journalist, trykt medie)

3: Flemming Nicolaisen, (adm. dir. Nuuk Tourism)

4: Gróa Ásgeirsdóttir (Customer Service Manger, Air Iceland)

5: Pálmi Gunnarsson (bureau-ejer - og i øvrigt kendt musiker i Island)

6: Ragheidur Palmadottir (datter af Pálmi og associeret i bureau)

Powered by Labrador CMS