Skip to main content

Issittumut angalaneq ajutoortoq

Svenskit sikumik aserorterussuata »Oden«-ip immap naqqanik sajuppillatsitsisarluni uuttortaanermut atortut katappai

Svenskit sikunik aserorterussuat »Oden« russillu umiarsuaat ingiaqataasoq sikusiut atomitortoq »50 let Pobedy« marluullutik Qalasersuup eqqaani sikorsuarsiorlutik ajutoornernik nalaanneqarput.

»Oden« angalanerup ilaani immap naqqanik sajuppillatsitsilluni uuttortaatit ilaannik katataqarsimavoq, ajuttornerullu kinguneranik angallavissatut pilersaarut naannerulersinneqartariaqarsimavoq.

Angalanerrup internetimi nittartagaani www.a76.dk atuarneqarsinnaavoq, ilisimatuut imartami tamaani sajuppillatsitsilluni uuttortaaviunngisaannarsimasumi ullut unnuallu siulliit marluk ingerlaneranni immaq naqqanik sajuppillatsitsilluni misissuinerit 130 kilometerinik isorartutigisumiittut pissarsiarineqarsimasut. Tamatuma kingorna ajutoornerit aallartissimapput, »Oden«-ilu maanna Kalaallit Nunaata kangiata avannaanut ingerlaarpoq.

»50 let Pobedy« imartami sikorsuarnik eqimaqisunik ulikkaartumi ajornartorsiulersimavoq, taamalu umiarsuup »Oden«-imut kinguaattooqqasumut ikiuunnini untsiinnartariaqarsimallugu.

»Oden« Tromsømi umiarsualivimmiit aggutsip 12-iani aallarpoq, Qalasersuup Kalaallit Nunaatalu akornani angalaneq septemberi qeqqata missaani naggaserneqassaaq.

Kalaallit Nunaanni Pinngortitaleriffik »Oden«-imi misileraatinik marlunnik ilaatitaqarpoq.

Angalaneq Kalaalalit Nunaata eqqaani nunavissuup killeqarfiata allineqarnissaanik danskit piumasaqaataannut ilaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER