Nerisassani taratsut
Demokratit taratsut ajorusiisinnaaneranut sunniutai naalakkersuisunut apeqqutini arlalinni akissutissarsiniarneqarput
Taratsut nerisassanut akuliunneqaraangami uummalliulernermut peqqutaasarpoq. Taamattumik Demokratit inatsisartunut ilaasortaatitaata Palle Christiansenip taratsut pineqartillugit naalakkersuisut ilisimasaannik suliniutaannillu apeqquteqarfigineqarnissaat soqutiginartuutippaa.
Palle Christiansenip taavaa peqqinnissaqarfiup iluani aningaasartuutit nunanut allanut sanilliullugit agguaqatigiisillugit qaffasinnerujussuarmik inissisimasut. Taamaattumik Demokratit isumaqarput, nappaatit inooriaatsimit aallaaveqartut sutigut tamatigut pitsaaliorneqarnissaat iluaqutaassasoq
– Nappaateqalernermut peqqutaasartut ilaat maluginiarneqarpallaarsimanngitsut ilagaat taratsut, Palle Christiansen allappoq.
Apeqquit ilagaat naalakkersuisut Finlandimi Nunanilu Avannarlerni paasititsiniaanerit kinguneqarluarsimasut ilisimasaqarfigineraat.