Skip to main content

Enoksen amerikamiut aningaaseriviinut atorniarniarpoq

Naalakkersuisut erngupnukinganiknukissiorfimmut, aatsitassarsiorfinnut, mittarfinnut, umiarsualivinnut aluminiumimullu aatsitsivimmut aningaaserivinnut dollarsinik atorniarniarput

Naalakkersuisut aallartitaat, marlunngormat USA-liarlutik aallartut ilaatigut amerikamiut aningaasarsiornermik ingerlatsivinnik oqaloqatiginnissasut Sermitsiaq.gl-ip paasivaa. Tusarfiit tutsuiginartut naapertorlugit taannarpiaq peqqutigalugu angalaneq New Yorkimut ingerlavoq, Washington-imukarnani. Angalasut Joint Committe-mik nagitsiniarlutik naalakkersuisut atorfilittaannik oqaloqatiginnittussaappata taaneqartoq kingulleq pissusissamisoornerusimassagaluarpoq.

New Yorimiipput aningaasarsiornermut ingerlatsivissuit aamma aluminiliornermik tunisassiortup Alcoa-p allaffissuaqarfia.

Kalaallit suliffeqarfiisa namminersornerusullu piginneqatigiiffiia aningaasalersukkatik maannamut europami aningaaserivinnit, danskit aningaaserivissuinit kiisalu Amro Bankimit aningaasalersortittarsimavaat.

Namminersornerusut maanna USA-mi periarfissat qanoq innersut misissorniarpaat.

matumani pineqarpoq namminersornerusut pilersaarutit annertuut Kalaallit Nunaata pilersaarutigisaanut atatillugu aningaasalersorneqarnissaat pillugit USA-mi periariffissaq paasiniaavigineqarnissaat, aluminiliorfissarsuaannaanngitsoq, aammali aatsitassanik piiaaffiit, erngup nukissiorfiit, mittarfiit umiarsualiviillu.

Tamanna amerikamiut suliffeqarfissuisa Kalaallit Nunaanni aallartitsisinnaanermut soqutiginninnerannut attuumassuteqarluinnarpoq. Aamma USA-p maannakkorpiaq ernianut appaaneranut dollarsillu nalingata appasinneranut attumassuteqarpoq.

Amerikamiut ambassadøriata James P. Cainip, Alcoamik 2006-imi majimi Københavnimi ataatsimeeqateqaqqaartitsisoq angalanermullu uunga aaqqissuisuusup amerikamiut aningaasaliissuteqartarnermut aningaaserivissuisa matuinik ammaasuusimasoq Sermitsia.gl-ip tusarfii taamak ilisimatitsipput.

Amerikami aningaaserivissuit aningaasaliissuteqartarnermik ingerlatsisuusut tassaapput:

Merrill Lynch Bank

City Bank

Goldman Sachs Bank

Chase Manhattan Bank

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER