Issittumi 30-ikkunni "Kiarujussuarneq"

Issittumi kiattarnera takornartaanngitsoq Danmarks Meteorologiske Institutip uuttortartagatoqaasa takutippaat.

1930-ikkunni 1940-kunnilu Kalaallit Nunaanni ullumikkutulli kiatsigisimavoq, ilaanilu suli kiannerusarsimalluni, Jyllands Posten taamak allappoq.

1947-mi Ilulissani ukiumut agguaqatigiisillugu kiassuseq 1,6 gradiusimavoq.

Tamatuma kingorna nillertikkiartulersimavoq, ukiut tamaasa nillertikkiartuinnarsimalluni. Agguaqatigiisillugulu kiassuseq assigiiaamik 1992-ip tungaanut apparaluttuinnarsimavoq, tasani killissani minus 7,3 grader tikissimallugu.

Tamatuma kingorna Kalaallit Nunaat issittullu sinnera "kiammik" eqqorneqaqqippoq.

Ilulissani kiassiut/isisiut qaffasinnerpaaq 2003-mi uuttorneqarpoq, taamanikkut kiassiut/issisiut agguaqatigiisillugu minus 1,7 gradiusimalluni.

Siorna agguaqatigiisinnera minus 3,2 gradiusimavoq.

Kalaallit Nunaanni sumiiffiit amerlanersaanni qularnanngitusmillu aamma Immami Sikorsuaqarfimmi Qalasersuarmilu taamatuttaaq sila allanngoriartorsimavoq.

Qalasersuarmi eqqaanilu sikup ulluni makkunani aatsaat taamak annikitsigilersimaneranik nalunaarsuinernit paasisat silaannaap pissusaanik ilisimatuut immikkullu ilisimasallit allat oqaluuserilerpaat sikup milliartornera inunnit sunnerneqarluni taamaaliartornersoq imaluunniit silaannaap nalinginnaasumik allanngorarneranit pisuunersoq oqaluuseraat.

Issittumi kingullermik kiatsisimammat sikup qanoq siaruaassimatiginera oqaatigiuminaappoq, pissutigalugu taamanikkut uttuinerit eqqoqqissaartut pigineqanngimmata, Jyllands Posten allappoq.

Powered by Labrador CMS