Skip to main content

Karius aamma Baktus nittartakkami

Akeqanngitsumik atuffassissut Karius aamma Baktusi Nunatta Atuagaateqarfiata nittartagaani aaneqarsinnaanngorpoq. Kalaallisut atuffassissutit allat aamma nutarterneqarlutik suliarineqassapput.

Karius aamma Baktusi spolebåndimut immiunneqaqqaarput, taava kassettebåndinut immiussat nuussunneqarput massakkullu nittartakkamut aaneqarsinnaanngorpoq. Atuffassissut Karius aamma Baktusi tusarnaarusukkukku Nunatta Atuagaateqarfiata nittartagaani kattak.gl-mut aasinnaavat.

– Misiliutaasumik ingerlanneqarpoq. Kalaallisut atuffassissutinik amerlasuunik peqarpugut. Taakku kassettebåndimiipput assullu atorneqartarlutik. Pilersaarutigaarput atuffassissutit nuannarineqarnerpaat cd-nut nuussussallugit, cd-ngorlugit atorneqarsinnaanngorniassammata aamma pilersaarutaavoq nittartagatsinnut atuffassissutit lydfilitut ilineqassasut, Elisa Jerimiassen oqarpoq.

Kalaallisut atuffassissutit 157-it Danmarks BlindeBibliotek-imit sanaajupput.

– Kisianni atuffassissutit tamarmik cd-ngortinneqarlutillu lydfilinngortinneqarnavianngillat. Nuannarineqarnerpaat kisimik nutarterneqassapput, Elisa Jerimiassen oqarpoq.

Atuffassissutini atukulaneqarnerpaat ilagaat Betty J. Eady atuakkiaa Toqu misigalugu, Ole Brandt-illu atuakkiaa Ippiiarsuup imai.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER