Australiamiut uran pillugu piumasaqarput
Uranimik ilannnguttuukkamik piiaasoqannginnissaa politikerit aalajangiusimassappassuk Narsami pilersaarutit piviusunngunngitsoorsinnaapput, Greenland Minerals and Energy Ltd-ip direktøria Roderick McIllree oqarpoq.
Australiamiut aatsitassarsioqatigiiffiat Greenland Minerals and Energy Ltd. Narsap eqqaani Kuannersuarni ujassinissamut akuerineqarsimasoq qineqqusaarnerup nalaani kalaallinik politikerinik piumaffiginnilerpoq.
Australiamiullu suliffiutaata pisortaata Roderick McIllreep sulianik taama atsigisumik annikillisitsinermut politikerit Kalaallit Nunaanni uranimik piiaanissamut nangaanerujussuat pissutaanerarpaa.
– Uran ilannguttuukkatut piiarneqarsinnaanngittuassappat suliffeqarfiup aningaasaliiuarnissaa Kalaallit Nunaata naatsorsuutigisinnaanngilaa.
– Taamaattumik Kalaallit Nunaata uranip ilannguttoorneqarsinnaaneranut isummaminik allanngortitsiumaneranut takussutissamik piaartumik pisoqartariaqalerpoq, Roderick McIllree oqarpoq.
Kalaallit Nunaata aatsitassat ulorianartunik qinngornillit 1988-imili inerteqqutigilluinnalernikuuai, Kuannersuarnili nunap sananeqaatai imaapput, aatsitassanik qaqutigoortunik piiaassagaanni taava aamma uran ilannguttoorneqarsinnaanngivissalluni.
Sermitsiaq nr. 21 atuaruk....