Skip to main content

Illorsuarmik sanasoqaqqissinnaalerpoq

Nuummi Entreprenørdalimi pisiniarfeqarfilimmik inissiaqarfilimmillu sanaartorfissamik pilersaarut nutaaq Nuup Kommuneata saqqummiuppaa.

Pisiniarfiit ilaat allaninngarnit inissamik annertunerusumik pisariaqartitsipput.

Assersuutigalugu pisiniarfiit biilinik, angallatinik, quassuttuunik, sanaartornermi atortunik, pequtinik igaffimmilu atortorissaarutinik niuertut.

Pisiniarfiit taamaattut illoqarfiup qeqqani ininik takutitsivissaminnik angisuunik pissarsisinnaanngillat, taamaattumik kommunip Entreprenørdalimi pisiniarfeqarfimmik inissiaqarfimmillu illoqarfiup immikkoortuanut pilersaarut nutaaq tamanut ammasumik tusarniaavigaa.

Kommunip neriuutigaa illoqarfiup immikkoortuanut pilersaarutikkut tassuuna »Nuummi inissianut, pisiniarfinnut inuussutissarsiornermullu inissanik amigaatigineqaleraluttuinnarneq pakkersimaarsinnaallugu«.

Isateriarlugit sanaqqillunilu

Niels Hammekensvejimi, Jagtvejimi Nuukullammilu illut arfineq-pingasut isaterneqassapput centerimut pisiniarfeqarfilimmut inissiaqarfilimmullu inissaqartitsiniarluni:

Illut isaterneqartussat tassaapput B-859, B-860 aamma B 861 (Nunatsinni nukissamik pilersuiffik Nukissiorfiit), B-1632 (Café Tumit), B-1168 (Eqqumiitsuliortut sannaviat), B-3057 (Polar Entreprenøren) aamma quersuit marluk B-876 aamma B-1785.

Taavalu sanaartorfissanut arfinilinnut inissaqalissaaq, taakkunani katillugit 15.500 kvadratmeterinik annertussusilimmik sanasoqarsinnaalluni:

8.700 kvadratmeterit pisiniarfinnut allaffinnullu marlunnik quleriilinnut. 6.800 kvadratmterit inissianut arfinilinnik quleriilinnut.

Tassa inissiat 90-it sananeqassapput illuni amitsuliani tallimani, taamaasilluni Jagtvejimi portusuumik inissialiani angisuuni marlunni najugallit isikkiveerunnagit.

– Ingerlatsiveqatigiiffimmik Jagtvejimi centerimik sanasussamik piareersimasoqanngilaq, kommunilli maluginiarpaa pisiniarfinnut inissamik pisariaqartitsisunut sanaartorfissat soqutigineqaleraluttuinnartut, teknikkikkut pisortaq Ove Neumann Nuuk Ugeavisimut oqarpoq.

Illoqarfiup immikkoortuanut pilersaarutikkut entreprenørit namminersortut periarfissarput centerimik tamakkiisumik ilaannakortumilluunniit sananisaminnut, taavalu pisiniarfiit, allaffiit inissiallu allanut tuneqqillugit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER