Sermitsiaq nettimi annersaavoq
Sermitsiap nettimi aviisia ukioq manna 1 millioninik pulaarneqarsimavoq - sapaatillu akunnerani uani aamma saniatigut takuniaasut 3 millionit anguvaat
Januarip aallaqqaataaniit ullumimut Sermitsiap nettimi aviisia atuartartunik 1 millioninik pulaarneqarsimavoq.
Ullut tamaasa Sermitsiaq.gl-imi quppernerit 20.000-it missaanniittut takuniarneqartarput, atuartartuvullu suli amerliartorput. Julimiilli qaammatit tamaasa atuartartuvut 10.000-t missaannik amerleriartarsimapput. Augustimi takuniasut 168.311-iusimapput.
Allaammi Sermitsiaq amerlanerusunik atuartartoqarpoq. Tassami kisitsisut TNS Gallupimit pisortatigoortuupput. Tamakkua naatsorsorneqarsimapput ullormut IP adressimit ataatsimit pulaartut aallaavigalugit. Tassa imaappoq, IP adressi ataasiaannarluni ilanngunneqartarsimasoq. Taamaattumik ilaqutariinni suliffimmiluunniit arlalinnik IP adresseqarfiusuni, IP adressinit tamanit amerlanerujussuarnik atuartartoqarsimavoq.
Sermitsiap iluatsitsilluarnini nalliussivaa ussassaarinermik, annonciliisartut affaannarmik akilerlugu webbannerinut inniminniisinnaalluni, septemberip 20-iat nallertinnagu inniminniigunik.
ALEXA.com naapertorlugu Kalaallit Nunaanni pulaarneqarnerpaajusartut qulit:
1. www.sermitsiaq.gl
2. www.webavisen.gl
3. www.knr.gl
4. www.greennet.gl
5. www.greenland.com
6. www.greenland-guide.gl
7. www.dmi.dk
8. www.jernmetalskole.gl
9. www.nuuk.gl
10. www.nanoq.gl