Skip to main content

Peqqinnissaqarfik 20 mio. koruuninik amigaateqarpoq

Napparsimasunik angallassinermi akissarsiaritinneqartartunut aningaasartuutit amerligaluttuinnarisa peqqinnissaqarfik tativaat, taamaattumik ilassutitut aningaasaliissutit pisariaqartinneqarput.

Peqqissaasut akissarsiaat pillugit isumaqatigiissut nutaaq malillugu tamanna peqqinnisisaqarfimmut immikkut 13 mio. koruuninik naleqassaaq. Tamatuma saniatigut napparsimasut amerligaluttuinnartut Danmarkiliartinneqartarput, peqqissaasullu siornartigumut naleqqiullugu napparsimakunalerulersimapput. Tamakku pissutaaqataallutik peqinnissaqarfik missingersuutimini 20 mio. koruunit missaanni amigaateqarpoq, taamatut AG allappoq.

Peqqinnissamut pisortaqarfik nammineerluni sipaarniuteqarnikkut 4,4 mio. koruuninik nassaarpoq. Tamatuma saniatigut pisortaqarfimmit neriuutigineqarpoq akissarsiat pillugit isumaqatigiissutip kingunerisaanik peqqissaasut sulisoriinnarneqarsinnaasut, taamaalillunilu paarlatsinut aningaasartuutit sipaarneqarlutik.

Imaassinnaavorli piffissami qanittuinnarmi tamanna atorneqarsinnaasoq, tassami Danmarkimi peqqissaasunik aamma amigaateqartoqaqaaq, aammalu Danmarkimi peqqissaasunut peqqinnissaqarfimmi oqartussaasut akissarsiaqartitsinerulerniarpasipput.

– Tamatuma kingunerisaanik akissarsiat pillugit isumaqatigiissutivut malillugit peqqissaasut sulisoriinnarnissaat ajornakusuussaaq, Peqqissutsimut pisortaqarfimmi direktør, Søren Rendal AG-mut oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER