Inuusuttut katsorsartikkumasut amerliartorput

Nuummi inuusuttut 20-t 25-llu akornanni ukiullit ikiaroornartumik imigassamillu atornerluisut katsorsartikkumasut amerliartortut, Katsorsaavik Nuuk ApS-imi malugineqarsinnaasoq knr.gl. allappoq.

-Maluginiagarput unaavoq, inuusuttut ajornartorsiutiminnut iliuuseqarusuttut amerliartorput, katsorsaasoq Grethe Kramer Berthelsen oqarpoq.

-Imerfiusumi ajornartorsiorfiusumi peroriartorfigisimasartik iliuuseqarfigiumallugu. Aamma inersimasut isigisatik malikkusunnagit, meeqqamik pitsaanerusumik atugaqarnissaat anguniarlugu, Katsorsaavik Nuuk ApS-mi piginneqataasoq katsorsaasorlu Grethe Kramer Berthelsen, Radioaviisimut oqarpoq.

Inuusuttut katsorsartikkusunnerannut aamma peqqutaasoraa, katsorsartittarnerup kanngunnartutut isigineqarunaariartornera, tamannalu ineriartornerunerarlugu pitsaasoq.

Grethe Kramer Berthelsenip oqaatigisinnaanngilaa, inuusuttut qasserpiaat katsorsartittarnersut, tamanna kisitsisaatigineqanngimmat.

Powered by Labrador CMS