Skip to main content

Takornariartitsinermik ilinniagaq nutaaq

Niuernermik Ilinniarfik Qaqortumiittoq serviceøkonom immikkut takornariaqarnermik ingerlatsisinnaasoq, taama taaneqarsinnaasumik ilinniakkamik nutaamik aallartitsivoq.

Ilinniagassaq qaffasissoq nutaaq nunat assiigiinngitsut akornanni akuerisaavoq. Takornariaqarnermik nunatsinni ilinniartitsineq ukiuni kingullerni ingerlanneqarsimanngilaq, takornarialli tikittartut amerliartuinnarnerisa pisariaqartilerpaa takornariaqarnermik tunngassumik ilinniartitsilernissaq, knr.gl. allappoq.

Ilinniartitsinermik aqutsisoq Henrik Ebbe Nielsenip naatsorsuutigaa ilinniakkaminnik naammassisut suliffeqarfinnut takorniartitsinermik kiffartuussinermullu tunngasunut qinnuteqartarnissaat.

- Misilillugu ilinniakkap tamatigoortuunissaa, iliniartuutitta takornariaqarnermik tunngasunut suliffeqarfeeqqani illoqarfinnilu anginngitsuni aallartittarnissaat anguniarlugu ilinniartitsissutigissavarput. Naammassigunik naatsorsuutigisariaqassavaat kisimiillutik ataatsimik marlunilluunniit sulisulimmi sulilernissartik. Anginerusunili aamma soorlu 10-nik, 20-nik 30-nillu sulisulimmi qinnuteqarsinnaassapput.

Ukioq manna qinnuteqartunit 22-usunit 10-it aggustip 27-ani ilinniarlutik Qaqortumi aallartissapput. 14-it ilinniartuusinnaagaluarput kolligiemili inissaqartitsinnginneq pissutigalu 10-innaat aallartissapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER