Skip to main content

Grønlandsbanken siuariartuinnavippoq

Ukiup affaani angusaqarluavippoq. Ukiup naanerani angusat 2006-imut naleqqiullugit 10 procentinik amerlanerussasut aningaaserivimmit naatsorsuutigineqarpoq.

GrønlandsBANKEN ukiup affaani siullermi akileraarutit suli akilernagit 62,3 mio. koruuninik angusaqarpoq, siorna piffissami tamatumani 40 mio. koruuniupput. Tunngaviusumik isertitat 20 mio. koruuninik 69,4 mio. koruuninngorlutik amerlisimapput, massa aningaasanit tiguinnarianit isertitat 7,2 mio. koruuniusut.

Aningaaserivimmi direktør Martin Kviesgaard ukiup affaani angusat pillugit oqaaseqaateqarnermini oqarpoq, ukiup affaani siullermi aningaaseriviup tunngaviusumik isertitai amerliartorusaarsimasut – tassami qaammatini pingasuni siullerni nalunaarusiap aningaaserivimmit saqqummersinneqarneraninngarnit naatsorsuutigisat pitsaanerupput.

- Ilaatigut aningaasaliiffigineqartartut aningaasaliffigineqarluartarput taarsigassarsiarisittavullu ukiortaamiit 169 mio. koruuninik amerleriarlutik 2.158 mio. koruninngorsimapput.

- Namminersorlutik inuussutissarsiuteqartuni neriuuteqarluartoqarpoq, ilaqutariillu amerligaluttuinnartut assersuutigalugu inissiamik pisinissaminnut aningaasaqarnerulersimapput. Suleqativut inissiamik, umiatsiamik bilimillu aamma namminersorlutik inuussutissarsiuteqartut sullissatsinnut nutaanut sullittariikkatsinnullu pisinissamut taarsigassarsisitsisartut ulapissimaqaat. Tamanna ilutigalugu annaasat ikittuinnaasut Martin Kviesgaard oqarpoq.

- Pitsaasumik iluanaaruteqariartortoqarmat tunngaviusumik isertitatta ukioq 2007 tamakkerlugu 20 procentinik amerleriarnissaat naatsorsutigaarput, siornatigut 10 procentinik amerleriarnissaannik nalunaarutaasimagaluartoq akimorlugu. Aningaasani tuniniaavinni piffissap kingulliup ingerlanerani ernumaneq pissutigalugu annaasaqarsimavugut, taamaalilluni ukioq´manna angusat 2006-imut sanilliullugit 10 procentit missaanni amerleriassagatinneqartut aningaaserivimmi direktøri oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER