Skip to main content

Littauerip periaasia nuannarinngilaat

Foreningen Grønlandske Børnip siulersuisuisa Karen Littaurimut taputartuunneqarusunngillat.

Foreningen Grønlandske Børnip siulersuisuisa Karen Littauer akerlilersuiniartartoq siulersuisuinit soraarsippaat naak peqatigiiffik maajimi ataatsimeersuarmat peqatigiiffiup inatsisai naapertorlugit siulersuisunut ilaasortanngoraluartoq.

Siulersuisut aarleqqutigaat Littauerip Qaanaami meeqqat atugaannik oqaaseqartanermigut peqatigiiffimmut ajortumik kinguneqartitsinnaassasoq.

Peqatigiiffimmut oqaaserisimasai qanoq kinguneqassanersut Mads Thyregodip annerusumik oqaaseqarfigisinnaannginnerarpai.

- Siulersuisut Karen Littaurip suliniutai pitsaasumik siunertaqarnersut siunertaqannginnersulluunniit oqaluuserisimanngilaat. Siulersuisut aarleqqutigaat Karen Littauerip maajimi oqaaserisimasai peqatigiiffiup anguniagaannut assersuunneqalernissaat, Mads Thyregod oqarpoq.

Anisitaanngilaq

Mads Thyregodip erseqqissarpaa Karen Littauer siulersuisunit ilaasortaajunnaarsitaanngimmat.

- Imaanngilaq siulersuisuni ilaasortat arfineq pingasuusut qulinguliartik anisiinnavissimagaat. Karen Littauer kajumissaarparput siulersuisuini ilaasortaajunnaaqqullugu, kajumissaarinerpullu akueralugu ilaasortaajunnaarpoq. Qujamasuutigeqaarpullu akaarinnilluni kajumissaarupput akuerimmagu, Mads Thyregod oqarpoq.

- Foreningen Grønlandske Børnimi siulersuisut Kalaallit Nunanni pissutsinut uparuartueqqusaanngillaat?

- Qunugani oqartoqarsinnaakutsoorpoq. Allattaanitta pisariaqarpat tamanna isumagiumaarpaa. Isunartorsiuisoqassappalli oqaatiginiakkat isumaliuutigeqqaartariaqarput, Mads Thyregod oqarpoq.

Thygodip pissutissaqarsoraa Kalaallit Nunaanni innuttaasut tatigigaluttuinnarnerisa namminneerlutillu aaqqiiviginiakkatik sulissutigisinnaakutsooraat danskit aaqqiniarnermi pissusilersortaasiat tunngavigineqartariaqarani.

- Danskit peqatigiiffiata tamanna eqqumaffigisariaqarpaa, Mads Thyregod oqarqpoq.

Sermitsiami atuarsinnaavat?

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER