Skip to main content

Nuup eqqaani kuultimik nassaarput

NunaMinerals Nuup Kangerluani Qeqertarsuarmi qillerinernit 12-init arfinilinni kuultimik takussaasumik nassaarsimavoq.

NunaMinerals julimi augustimilu Qeqertarsuarmi, Nuummit avannamut kangimut 40 kilometerinik ungasissusilimmi, 12-eriarluni qillerisimavoq, qillerinerillu affaanni kuultimik takussaasumik nassaarsimalluni.

Aatsitassaqarneranik metallurgiskimik misissugassat 700 kiilu tiguneqarsimapput. Naatsorsuutigineqarpoq misissuinerup inerneri septemberip aallartinnerani pissarsiarineqarumaartut, NunaMineralsip pisortaa Ole Christiansen paasissutissiivoq.

Qeqertarsuarmi torsuusaasarsuit kuulteqarfiit 20 meterit missaannnik silissuseqarput, kuultip annerpaartaa qeqqani 10 meterinik silissusilimmiillutik, tonsimut 6 gram missaannik kuultitallit.

Kuulti qaarsumi assigiinngitsumik agguataarsimavoq, taamaattumillu qillerinerinnaat tunngavigalugit qaarsup kuulteqassusia aalajangerneqarsinnaanani.

- Qangatut kuultimik misissuisarnermi misissugassamik 30 gramimik tigusisoqartarpoq, kuulteqassusianik naliliinermut tunngaviusartumik. Kuulti assigiinngitsumik agguataarsimagaangat, soorlu Qeqertarsuarmi takusatsitut, misissugassanik annertunerusunik peersisariaqarpugut, aggornagit misissugassanik. Aatsaat tamatuma kingorna kuulteqassusia uuttortarneqarsinnaavoq, Ole Christiansen oqarpoq.

Metallurgiskimik misissuinermit inernerit naatsorsuutigineqarpoq 2008-p aallartinnerani piareerumaartut.

NunaMinerals A/S pigineqarpoq Namminersornerullutik Oqartussanit, Rudersdal A/S-imit, Lønmodtagernes Dyrtidsfondimit kiisalu aningaasaliisunit 1200-nit.

Selskabi kisermaassaminik 14-inik akuersissuteqarpoq nunatsinnilu kuultisiorfiit siullersaanni Nalunaq Gold Mine-mi 17,5 procentinik piginneqataalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER