Ekstra Bladet nunatsinni feeriartoq
– Tassa suli nassaassaavoq: kalaalivik. Aamma qimusseqatigissavara. oqaluppalaaginnarpasippoq, taamatut danskeq tusagassiortoq allappoq.
Ulluni makkunani Ekstra Bladet nittartakkamini angalaneq pillugu ilanngutassiisaqattaarpoq, allaaserisat tusagassiortup Kalaallit Nunaanni misigisaanut tunngapput.
Kim Karmark sinerissami angalasimavoq assigiinngitsorpassuarnillu misigisaqartarsimalluni:
– Sikupalaamut avalakkaluttuinnartilluta anorlerneruleraluttuinnarpoq; maanimi sikumi oqquiffissaqarpallaanngilaq. Nikorfatillunga aaga qaartartuaqqatut angitigisunik serminik immerneqartoq malugisinnaatillugu aallaajunnaaraluttuinnarpunga Tysklandimiu Stalingradimeersoq; qiulertorujussuaq napiinnariarlu.
– Ingerlaannaq toqorusunnerugaluarpunga kisiannili Antuup illaatigiinnarpangaa danskillu sanngiitsuusut Yankee-barinillu kaasarfimmiortuusut uppernarsivaa: Qiiatooq, ajunngilluinnarpoq. Eqqarsaatigisatuarali tassaavoq qimussimilli aallaratta qinngama ataani kakkinnit qerisimasumit inuunera naallugu ajoqutissarsissannginnersunga, tusagassiortoq eb.dk-mi Qaanaami sikukkut aalisariarneq pillugu allappoq.
Aammali alutorsaqaaq:
– Imminulli eqqissisarpunga immikkullu pisinnaatitaanera isiginnaaginnarpara nuannisarlungalu: Nunarsuup qaavani pisorusaarlunga inuillu ajunnginnerpaat ammanerpaallu isiginnaarlugit.