Mettemit isummersorneqariartorit

Sungiusaasoq Mette Steenholdt inuttut ineriartornini pillugu oqalugiassaaq.

Mette Steenholdtip oqalugiarneranut tusarnaariarit, taassuma inuttut ineriartornermini inuttut angalasimanini pillugit ammasumik assuarnaatsumillu oqaluttuarissavai. Mette Steenholdt ilaatigut USA-mi inuttut allanngornissamut ilitsersuisut nuimanersaannit Debbie Fordimit ilitsersuunneqarlunilu tapersersorneqarsimavoq.

Mettep ilaatigut “kiinappappassuarminik”, misigisarsimasani nuanniitsut, inuttut aliatsatinneqartarsimanini inuunerminilu toqqakkamini ersinerup qanoq annertutigisumik aqussimagaani oqaluttuarissavai. Sunali tamarmi taartuinnaassanngimmat inuunermini allanngornerit pingaarutillu naammattoortarsimasani aammali inuit avatangiiserisani ammasumik oqaluttuarissavai. Taamaattumik nalunaaquttap akunneri marlussuit atorlugit naliitsumik misigisaqariartorit isummesorneqarnissannullu imminut periarfissigit tusarnaarninnilu nammineerlutik paasisaqariartorit.

Ulloq: Sisamanngornermi 23. aggustusi 2007

Piffissaq : 19.00 -21.00

Sumiiffik : Katuaq “Inersuaaraq”

Iserneq : Akeqanngilaq

Powered by Labrador CMS