Jonathan nipaatsumik qinnussivoq

Upperisarsiortut politikkikkullu siuttut Ilulissat kangerluanni katersuupput

Inatsisartut siulittaasuat palasi Jonathan Motzfeldt tallimanngorpat septemberip 7-iani nunarsuaq nipaatsumik qinnullugu aallartissaaq, upperisarsiortut naalakkersuinikkullu siuttut arlallit Ilulissat kangerluata qinnguani qinoqatigiilerpata.

Suliniaqatigiiffik Upperisaq, Ilisimatusarneq Tunngaviillu (Religion,Science and the Environment) Konstantinopel Bartholomæusip utoqqartaanit pilersinneqartoq Kalaallit Nunaanni kateritsisivoq, taaguuserlugu ”Arctic – Mirror of Life”, kalaallisut issittoq – Inuunerup tarrarsuutaa.

Qinoqatigigeereernerup kingorna katerinnermi peqataasut norskit sinersortaataannit ”Fram”-imik Ilulissaniit narsarsuarmut ingerlaassapput.

Peqataasut aqqutaani sammisassat avatangiisinut inunnullu tunngasut oqaluuserissavaat.

Katerinneq pingasunngornermi septemberip 13-iani Qassiarsummi qallunaatsiaat Brattahlid-ianni naammassineqassaaq, tassani Konstantnopel bartholomæusimi utoqqaanersaq Thjodhildep oqaluffiata assilinerani oqaluussissaaq – kristumiut nunarsuarmi nutaami oqaluffiisa siullersaanni.

Powered by Labrador CMS