Nuup Kommuneata illuaraataanit tillinniaqattaarnerit

Kiassaatit illuaqqanit tallimaasunit tillinneqarsimapput. Kiassaatinik piiaasarnermi navialisoqarsinnaanera kommunemit mianersoqqussutigineqarpoq

- Illuaqqanit kiassaatinik tillinneq inuup inuuneranik naleqarsinnaavoq. Illuaqqat ilaat avinngarusimasorujussuarmiimmata imaaliallaannaq tikinneqarsinnaanngillat. Taamaattumik kiassaatit illuaqqanit peerneqannginnissaat pingaaruteqartorujussuuvoq taamatut nuuk.gl naapertorlugu, Noah Mikkelsen, Nuup Kommuneani Suliffeqarnermut piginnaanernillu ineriartortitsinermut immikkoortortaqarfimmi aqutsisoq oqarpoq.

Nuup Kommuneata illuaraataanit 25-usunit kiassaatit tallimat aasaq maanna taarserneqartussaapput, tassami taarserneqartussat tillinneqarsimanngikkunik nutaanngilivallaarsimmata. Tillinniartoqartannginniassammallu Nuup Kommunea pilersaaruteqarpoq illuaqqani tallimaasuni taakkunani kiassaatit oqimaatsut angallakkuminaannerusullu ikkunniarlugit.

Nuummiit avinngarusimasumi illuaqqamut kiassaammik assartuineq ikkussuinerlu 7.000 koruuninik aningaasartuutaasarpoq. Illuaqqamut Nuummut qaninnerusumiittumik kiassaammik assartuineq ikkussuinerlu 7.000 koruuninik aningaasartuutaasarpoq.

Illuaqqat Nuummut qaninnerusumiittut kiassaatinik madrassinillu tillinniarfigineqarnerusartut nuuk.gl paasissutissiivoq.

Powered by Labrador CMS