Skip to main content

Erfalasorput spejderinut takuteqquneqanngilaq

NUTARTIGAQ: Kalaallit Nunaat namminersortutut naalagaaffinngortinnani spejderit danskit erfalasuat atortariaqarpaat, taama KNR naapertorlugu kalaallit spejerii nalunaarfigineqarsimapput

Tuluit Nunaanni nunat tamalaat spejderiisa tammaarsimaaqatigiilluni ammaanersiornermi spejderit pisortaata Lone Abelsenip Nanortalimmeersup Kalaallit Nunaata erfalasua scenep saavani tigummiarpaa. Scenemilu nunatta erfalasua takuteqqusaanngilaq.

KNR naapertorlugu Kalaallit Nunaanni spejderit siulittaasuat Hans Kristian Lennert oqarpoq, Kalaallit Nunaat Savalimmiullu namminersortutut naalagaaffinngortinnatik namminneq erfalasutik atorsinnaanngikkaat nunani tamalaani spejderinit nalunaarfigineqarsimapput.

- Soorunami ugguarpugut, pingaarnertulli nunatsinniit maani Browsea Islandimi taammaarsimaqataasinnaagatta nuannaarpugut, Hans Kristian Lennert oqarpoq.

- Taamaattumik angerlamut apuukkutta suliassarput siulleq tassaassaaq nammineq erfalasutsinnik atuisinnaalluta Nunani Tamalaani Spejderit kattuffiannut ilaasortanngornissamik qinnuteqaateqarnissaq, Hans Kristian Lennert oqarpoq.

Spejderit Tuluit Nunaanni 28. juulimiit 8. aggustusip tungaanut katersuupput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER