Skip to main content

GA nutaamik direktørertaarpoq

Ole Rudip ukkiup naanerani suliunnaartussap taartissaatut Kalaallit Nunaanni Sulisitsisut Peqatigiiffiata Henrik Leth atorfinitsippaa.

Royal Greenland A/S-imi pisortap tullerisimasaa Henrik Leth GAp siulersuisuisa GAp allaffissornerani qullersaasussatut atorfinitsippaat. Peqatigiiffimmi ukiuni 13-ingajanni pisortaasimasoq Ole Rud ilaquttani pissutigalugit ukiup naalerani tunuarpat taartissaa sulilissaaq. Ole Rudili GA-mi seniorrådgiveriuinnarallassaaq.

Sulisitsisut peqatigiiffianni siulittaasup Henrik Sørensenip nutaamik direktørertaarnissamut tunngatillugu Ole Rud, septemberimi 60-iliisussaq ilaquttanilu pissutigalugit suliaqarpallaarunnaarusuttoq aallarpat maqaasinassanerarpaa.

– Ole Rudip pikkoreqaluni GA sulisoqarnermi inuussutissarsiornermilu politikikkut nutaaliaasumik ingerlalersissimavaa, 340-nillu ilaasortaqartoq inuussutissarsiutinik inerissanermi pingaaruteqartunngortissimallugu. Politikikkut malunnaateqarluartumik ilaatigullu sakkortuumik akuleruttarsimavoq, tamatigulli Kalaallit Nunaannut pitsaanerusussat pillugit. Taamaattumik Ole Rudip siunnersuisutut suleqatigiinnarnissaa qilanaaraarput.

Henrik Leth 45-nik ukioqartoq cand.polit-itut ilinniarsimasuuvoq Inatsisartullu ombudsmandiat Vera Leth nuliaraa. 1988-imili Kalaallit Nunaanni sulilersimavoq, taamanikkut namminersornerullutik oqartussat Inuussutissarsiornermut Aalisarnermullu Pisortaqarfianni atorfeqarluni. Tassani 1992-1995-imi direktørioreerluni Royal Greenland A/S-ip kilisaataateqarfiani direktørinngorpoq kingornalu suliffeqarfiup nunatsinni ingerlatsinera akisussaaffigilerlugu. 1999-imi suliffeqarfissuup aqutsisuinut ilannguppoq 2002-milu Royal Greenland A/S-ip qullersaanut tullinngorluni - Atorfilli taanna qaammatip naanerani qimassavaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER