Skip to main content

Nunatsinni oqaatsivut atorneqarluarput

Kalaallit Nunaata sivisuumik ileqqorisimavaa atuarfinnii kalaallit oqaasiinik ilinniartitsisarneq. Tamannalu akilersinnaavoq, allaat nunarsuarmioqatigiinni nutaaliaasuni, canadamiut aviisiat Nunatsiaq News allappoq.

Harry Potterimik atuakkiaq kalaallisut nutserneqarsimasoq Nuummi atuakkanik atorniartarfimmi nassaarineqarsinnaavoq. Aamma William Shakespearep, Charles Dickensip aamma Ernest Hemingwayp atuakkiaanik nutsikkanik peqarpoq.

webavisen.gl naapertorlugu ukiut tamaasa kalaallisuunik 50-inik saqqummersitsisoqartarpoq. Tamakkunannga 17-it missaanniittut atuakkiaapput taalliaallutilluunniit, Carl Christian Olsen, Oqaasileriffimmi pisortaq sprognævnimilu siulittaasoq Nunatsiaq Newsimut oqarpoq.

Nuummi aqqusinerni meeqqat kalaallisut oqalukkajuttuupput sms-ertarlutillu qallunaat kalaalillu naalisaaneri atorlugit.

Carl Christian Olsenip eqqaamavaa 1960-ikkunni 1970-ikkunnilu Kalaallit Nunaanni utoqqarpassuaqarsimasoq oqaatsimik tammalernerannik ersissuteqartunik, pissutigalugu qitornatik kalaallisut oqalukkaangamik oqariaatsit allaanerusut atortarmatigit.

Pissusissamisoorporli oqaatsit allanngoriartortarnerat, Carl Christian Olsen oqarpoq. Oqaatsit allanngorsinnaanngitsut oqaasiupput toqungasut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER