Skip to main content

Silaannarmiit aatsitassanik ujaasineq

Helikopteri qassutaasanik nivingasulik julip aallartisimalernerani Kalaallit Nunaata qeqqani timmisaqattaassaaq. Qassutaasat kabelimut innaallagissamoortumik atassuteqarpoq, taakkulu tukimut 20 meterinik silissuseqarput.

Immaqa eqqumiippalukkaluarput, kisiannili tassaapput nunatsinni aatsitassanik ujaasisoqarfiuo NunaMinerals-ip nunatsinni aatsitassaqarfinnik ujaasilluni nunami kajungerisaqarfinnik nalunaarsuissutissai.

NunaMineralsip qallunaat nunap sananeqaataanik misissuinermit suliffiutaat skyTEM ApS Aarhusimeersoq Nuup Kangerluani Qussummiit Gieseckep Tasia aqqusaarsinnarlugu Nassuttuup tungaanut nunamik 800 kilometerinik isorartussusilimmik helikopterimiit misissuisissagamiuk.

Qussummi kanngussammik gultimillu ujaasisoqassaaq, Nassuttuumilu nikkelimik ujaasisoqassalluni.

SkyTEM suleqatigalugu Transiente Elektromagnetiske Metode (TEM) iluaqutigalugu nunarsuup kajungerisaqassusia uuttortarneqassaaq.

– Qussummi sumiiffinnik gulteqarlutillu kanngussaqarfiusunik 2006-imi nassaanikuuvuugut, NunaMineralsip direktøria Ole Christiansen oqarpoq.

AkyTEM-ip Qussummi misissuisinneratigut nunap sananeqaatai tamakku kajungerisanik uuttortaatit atorlugit aamma malugineqarsinnaanersut paasiniarneqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER