Nannup amia niaqualu Nuummut
NUTARTIGAQ: Nanuaqqap ataasinngornermi aallaaneqartup neqaa Ilulissani nerisaqarfinnut agguaanneqareerpat sinnera Namminersornerullutik Oqartussanut nassiunneqassaaq.
Nanuaqqap 2 1/2-nik ukioqassangatinneqartup neqaa Ilulissani nakorsanit misissorneqartoq, piniarnermut pisortaqarfimmi pisortaq Ole Heintich islisimatitsivoq.
Misissorneqareerpat neqaa nerisaqarfinnut agguaanneqassaaq, amia niaqualu Nuummut, Namminersornerullutik Oqartussanut nassiunneqassalluni.
Namminersornerullutilli Oqartussat tamakku tuniniarsinnaanngilaat.
– Amia meqquilu qanoq innersut apeqqutaalluni aggoriarlugu mersortarfinnut agguaanneqarumaarpoq, niaqualu tunissutitut atorsinnaassaaq, Ole Heinrich oqarpoq.
Kingullermik taama nannuttoqarpoq 2005-mi nanoq Pituffiup eqqaavianiittoq aallaaneqarmat. Borgerrådip amia taamani oiumammagu tunniupparput, Heinrich oqarpoq.
– Namminersornerullutik Oqartussani kissaatiginngilarput nannut eqqaavissiortuussasut, taamaattumillu nanuaraq ippassaq aallaaneqartoq eqqaavissuup eqqaniimmat inunnullu navianartutut nalilerneqarmat aallaaneqassasoq aalajangerneqarpoq, Ole Heinrich oqarpoq.
Ilisimatitsissutigaa nannutassat naammatsinneqarsimanngikkaluarpata nanuaraq akuerineqartumik pisarineqarsimasinnaagaluartoq.